ගුරු සේවයට යන්න සිහින දකින ඔබට සුබම සුබ ආරංචියක්

මෙරට ජාතික හා පළාත් සභා පාසල්වල ගුරු පුරප්පාඩු  36178ක් පවතින බැව් අධ්‍යාපන උසස් අධ්‍යාපන සහ වෘත්තිය අධ්‍යාපන අමාත්‍යංශය විසින් පාර්ලිමේන්තුවට ඉදිරිපත්කොට ඇති වාර්තාවක සදහන් වේ.

ඒ අනුව ජාතික පාසල්වල පවතින ගුරු පුරප්පාඩු සංඛ්‍යාව 4484කි.

පළාත් සභා පාසල් අතුරින් වැඩිම ගුරු පුරප්පාඩු සංඛ්‍යාවක්  පවතින්නේ  නැගෙනහිර පළාතේ වන අතර එම සංඛ්‍යාව 6613කි.

මධ්‍යම පළාතේ පළාත් සභා පාසල්වල ගුරු පුරප්පාඩු 6318ක්, බස්නාහිර පළාතේ ගුරු පුරප්පාඩු 4630ක්, දකුණු පළාතේ ගුරු පුරප්පාඩු  2513ක්, වයඹ පළාතේ ගුරු පුරප්පාඩු 2990ක්, ඌව පළාතේ  ගුරු පුරප්පාඩු 2780ක්, උතුරුමැද පළාතේ ගුරු පුරප්පාඩු 1568ක් සබරගමුව පළාතේ ගුරු පුරප්පාඩු 3994ක් සහ  උතුරු පළාතේ ගුරු පුරප්පාඩු 3271ක් පවතින බවද මෙම වාර්තාවේ සදහන් වේ.

 ගුරුවරු 23,344ක්  බදවා  ගැනිම සදහා  අමාත්‍ය මණ්ඩලයේ අනුමැතිය හිමිවි ඇති අතර  ඉදිරියේ දි ගුරු පුරප්පාඩු සදහා ගුරුවරුන්  බදවා ගැනිමට නියමිතව ඇත.

The post ගුරු සේවයට යන්න සිහින දකින ඔබට සුබම සුබ ආරංචියක් appeared first on TODAY NEWS LK.

from TODAY NEWS LK https://ift.tt/AK8DTM1

අද වැසි වැටෙන ප්‍රදේශ

නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.

ඌව පළාතෙත් මඩකලපුව සහ අම්පාර දිස්ත්‍රික්කවලත් ඇතැම් ස්ථානවලට මි.මී. 50 ට වැඩි තරමක තද වැසි ඇති විය හැකියි.

උතුරු සහ උතුරු-මැද පළාත්වලත් හම්බන්තොට දිස්ත්‍රික්කයේත් වැසි වාර කිහිපයක් ඇති විය හැකියි.

දිවයිනේ සෙසු ප්‍රදේශවල පස්වරු 2.00 න් පසුව තැනින් තැන වැසි හෝ ගිගුරුම් සහිත වැසි ඇති විය හැකියි.

බස්නාහිර, සබරගමුව, මධ්‍යම සහ වයඹ පළාත්වලත් ගාල්ල, මාතර සහ අනුරාධපුර දිස්ත්‍රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකියි.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටිනවා.

The post අද වැසි වැටෙන ප්‍රදේශ appeared first on TODAY NEWS LK.

from TODAY NEWS LK https://ift.tt/tGslD8d

වාහන ආනයනය සීමා ගැන මහ බැංකු අධිපති කළ අලුත්ම ප්‍රකාශය

2025 වර්ෂයේදී ශ්‍රී ලංකාව ඇමරිකානු ඩොලර් බිලියන 2ක වටිනාකමකින් යුත් වාහන ආනයනය කර ඇති බව වාර්තා වේ. කෙසේ වෙතත්, පවතින තත්ත්වයන් මත පදනම්ව මෙම වසරේදී එම වියදම ඇමරිකානු ඩොලර් බිලියන 1.5ක් දක්වා අඩු විය හැකි බව මහබැංකු අධිපති ආචාර්ය නන්දලාල් වීරසිංහ මහතා ප්‍රකාශ කළේය.

මහ බැංකුවේ නවතම ප්‍රතිපත්ති විවරණයන් ඉදිරිපත් කරමින් අධිපතිවරයා පෙන්වා දුන්නේ, ඉකුත් 2025 වසරේදී වාහන ආනයන සීමා ලිහිල් කිරීමත් සමඟ වෙළෙඳපොළ තුළ එක්වරම ඉහළ ගිය අධික ඉල්ලුම මේ වන විට ක්‍රමයෙන් ස්ථාවර වෙමින් පවතින බවයි. සීමා ඉවත් කළ මුල් අවධියේ පැවති තීව්‍ර ඉල්ලුම සමනය වීම මෙලෙස ආනයන වියදම අඩුවීමට ප්‍රධාන හේතුවක් වී තිබේ.

ආනයන සීමා ලිහිල් වීමෙන් පසු වෙළෙඳපොළ තුළ ඇති වූ සැපයුම් අවශ්‍යතාව මේ වන විට බොහෝ දුරට සපුරා ඇති බැවින්, ඉදිරි මාස කිහිපය තුළ විදේශ විනිමය වැයවීම් වඩාත් පාලනය වනු ඇතැයි මහ බැංකුව අපේක්ෂා කරයි.

The post වාහන ආනයනය සීමා ගැන මහ බැංකු අධිපති කළ අලුත්ම ප්‍රකාශය appeared first on TODAY NEWS LK.

from TODAY NEWS LK https://ift.tt/qlfRUFA

අමෙරිකානු ‘සීල්’ (SEAL) පුහුණුව ලැබූ ප්‍රථම ශ්‍රී ලාංකික නාවික නිලධාරියා අභාවප්‍රාප්ත වෙයි

අතිදුෂ්කර අමෙරිකානු නාවික හමුදා සීල් (US Navy SEAL) පුහුණුව සාර්ථකව නිම කරමින් එම ගෞරවනීය නිල ලාංඡනය හිමිකරගත් ප්‍රථම ශ්‍රී ලාංකිකයා වන ලුතිනන් කොයාන් චමිත මහතා අද (ජනවාරි 28) උදෑසන අභාවප්‍රාප්ත විය. වැලිසර නාවික හමුදා කඳවුරේ රැඳී සිටියදී ඔහු මෙලෙස ජීවිතක්ෂයට පත්ව ඇති බව නාවික හමුදා මාධ්‍ය ප්‍රකාශක කමාන්ඩර් බුද්ධික සම්පත් තහවුරු කළේය.

මරණයට හේතුව සහ පරීක්ෂණ

නිලධාරියාගේ මරණයට හේතුව මෙතෙක් නිශ්චිතව අනාවරණය වී නොමැති අතර, ඒ පිළිබඳ පශ්චාත් මරණ පරීක්ෂණය මේ වන විට සිදුකෙරෙමින් පවතී. මියයන විට ඔහු එළඹෙන පෙබරවාරි 4 වැනිදා පැවැත්වෙන නිදහස් දින සැමරුම් උළෙලේ පෙරහුරු කටයුතු සඳහා වැලිසර කඳවුරේ රැඳී සිට ඇත.

වෘත්තීය ජීවිතය සහ සුවිශේෂී ජයග්‍රහණ

ගම්පහ බණ්ඩාරනායක විද්‍යාලයේ ආදි සිසුවෙකු වූ ලුතිනන් කොයාන් චමිත, 2017 වසරේදී ශිෂ්‍යභට නිලධාරියෙකු ලෙස නාවික හමුදාවට එක් විය. ඔහුගේ සේවා ඉතිහාසයේ සුවිශේෂී සන්ධිස්ථාන කිහිපයක් මෙසේය:

• විශේෂ යාත්‍රා බලඝණය (SBS): ශ්‍රී ලංකා නාවික හමුදාවේ ප්‍රභූ ඒකකයක් වන විශේෂ යාත්‍රා බලඝණයේ පුහුණුව සාර්ථකව නිම කිරීම.
• අමෙරිකානු සීල් පුහුණුව: 2024 වසරේදී අමෙරිකානු නාවික විශේෂ සංග්‍රාමික මූලික පුහුණු විධානය (Basic Underwater Demolition/SEAL) යටතේ ලොව අතිදුෂ්කරම හමුදා පුහුණුවක් සඳහා තේරී පත්වීම.
• සීල් ට්‍රයිඩන්ට් (SEAL Trident) ලාංඡනය: පුහුණුව ආරම්භ කළ 200ක පමණ පිරිසක් අතුරින් එය සාර්ථකව නිම කළ 27 දෙනා අතරට එක්වෙමින්, එම ලාංඡනය පැළඳි ප්‍රථම ශ්‍රී ලාංකිකයා ලෙස ඉතිහාසයට එක්වීම.

පෞද්ගලික තොරතුරු

1997 ඔක්තෝබර් 22 වැනිදා උපත ලැබූ ලුතිනන් කොයාන් චමිත මියයන විට 28 වැනි වියේ පසුවූ අතර, ඔහු පවුලේ එකම දරුවා වේ. පසුගිය වසරේ (2025) ජූලි මාසයේදී අමෙරිකාවේ සිට පුහුණුව නිමවා ඔහු මෙරටට පැමිණ තිබුණි.

The post අමෙරිකානු ‘සීල්’ (SEAL) පුහුණුව ලැබූ ප්‍රථම ශ්‍රී ලාංකික නාවික නිලධාරියා අභාවප්‍රාප්ත වෙයි appeared first on TODAY NEWS LK.

from TODAY NEWS LK https://ift.tt/G5PLaBC

රටම බලා සිටින හිටපු ජනපති රනිල්ගේ නඩුව අද යළි සලකා බැලෙයි

හිටපු ජනාධිපති රනිල් වික්‍රමසිංහ මහතාට එරෙහිව පොදු දේපළ පනත යටතේ ගොනුකර ඇති නඩුව අද (28) කොළඹ කොටුව මහෙස්ත්‍රාත් අධිකරණයේදී යළි කැඳවීමට නියමිතව තිබේ.

තමා ජනාධිපති ධුරය දැරූ කාලසීමාව තුළ සිය බිරිඳගේ උපාධි ප්‍රදානෝත්සවයකට සහභාගි වීම සඳහා ලන්ඩනය බලා යාමට රජයේ මුදල් අවභාවිත කළ බවට එල්ල වූ චෝදනා මත මෙම නඩුව පවරා ඇත. මෙම සිද්ධියට අදාළ විමර්ශන අද දින වන විට අවසන් කර වාර්තා කරන ලෙස පසුගිය නඩු වාරයේදී මහෙස්ත්‍රාත්වරයා නියෝග කර තිබුණි.

මෙම චෝදනා සම්බන්ධයෙන් 2025 අගෝස්තු මස අත්අඩංගුවට ගෙන රක්ෂිත බන්ධනාගාර ගත කර සිටි හිටපු ජනාධිපතිවරයා, පසුව ඉදිරිපත් වූ වෛද්‍ය වාර්තා සලකා බැලීමෙන් අනතුරුව රුපියල් ලක්ෂ 50 බැගින් වූ ශරීර ඇප තුනක් මත මුදාහැරීමට කොටුව මහෙස්ත්‍රාත් නිලුපුලී ලංකාපුර මෙනෙවිය මීට පෙර නියෝග කළාය.

එම දිනයේ නඩුව කැඳවූ අවස්ථාවේදී, විමර්ශන 2026 ජනවාරි 28 වනදා වනවිට අවසන් කරන ලෙස මහෙස්ත්‍රාත්වරයා නියෝග කර තිබුණි.

The post රටම බලා සිටින හිටපු ජනපති රනිල්ගේ නඩුව අද යළි සලකා බැලෙයි appeared first on TODAY NEWS LK.

from TODAY NEWS LK https://ift.tt/jApyIav

රිය අනතුරකින් එගොඩ උයන රථ වාහන ස්ථානාධිපති දිවියෙන් සමුගනී

මොරොන්තුඩුව ප්‍රදේශයේ සිදුවූ රිය අනතුරකින් එගොඩ උයන පොලීසියේ රථවාහන අංශයේ ස්ථානාධිපති,  උප පොලිස් පරීක්ෂකවරයා ජීවිතක්ෂයට පත්ව තිබේ.

ඊයේ (26) පස්වරුවේ මෙම අනතුර සිදුව ඇති බව පොලීසිය පවසයි.

මොරොන්තුඩුව පොලිසිය සඳහන් කළේ අදාළ අනතුරින් උප පොලිස් පරීක්ෂකවරයෙකු මෙලෙස අවාසනාවන්ත ලෙස මියගොස් ඇති බවයි.

අනතුර සිදුව ඇත්තේ පාපැදියක් සහ යතුරුපැදියක් එකිනෙක ගැටීමෙනි.

ඔහුගේ දේහය මේ වන විට ගෝනදුව රෝහලේ මෘත ශරීරාගාරයේ තැන්පත් කර ඇත.

අනතුර සම්බන්ධයෙන් වැඩිදුර විමර්ශන ක්‍රියාත්මකයි.

The post රිය අනතුරකින් එගොඩ උයන රථ වාහන ස්ථානාධිපති දිවියෙන් සමුගනී appeared first on TODAY NEWS LK.

from TODAY NEWS LK https://ift.tt/dCvqSJ9

කාර්මික නිපුණතාවය මූල්‍ය දර්ශකවලට බිලිදෙයි! ඉදිකිරීම් ක්ෂේත්‍රය වෙළාගත් දැවැන්ත අර්බුදය සේවක සෞඛ්‍යයටත් තර්ජනයක්!

ඉදිකිරීම් ටෙන්ඩර් පද්ධතියේ දැඩි අක්‍රමිකතා – දිගු කාලීන ආර්ථික ගැටළු සහ ව්‍යාපෘති ගැටළු නොසලකා හැරීම හේතුවෙන් සමාගම් රැසක් සහ ලක්ෂ ගණනක රැකියා දැඩි අර්බුදයක

වර්තමාන රජයේ ප්‍රසම්පාදන ක්‍රියාවලිය තුළ පවතින දැඩි මූල්‍ය පිරිවැටුම් (Turnover) සීමාවන් හේතුවෙන් මෙරට ප්‍රමුඛ පෙළේ ඉදිකිරීම් සමාගම් දැඩි අර්බුදයකට ලක්ව ඇති බව වාර්තා වේ. මෙම තත්ත්වය හුදෙක් ආර්ථික ගැටලුවක් පමණක් නොව, ක්ෂේත්‍රයේ නියැලී සිටින දහස් සංඛ්‍යාත සේවකයින්ගේ මානසික හා කායික සෞඛ්‍යය කෙරෙහි ද සෘජු බලපෑමක් එල්ල කර ඇති බව විශේෂඥයෝ පෙන්වා දෙති.

වර්තමාන ඉදිකිරීම් ටෙන්ඩර් සුදුසුකම් ලබා ගැනීම සඳහා වැඩි වාර්ෂික ලාභ ඉපයීම් පමණක් මූලික කරගනිමින් යම් ආයතනයක් සුදුසුකම් ලබනවාද නැතිද යන්න තීරණය කිරීමේ ක්‍රමවේදය දැඩි ලෙස ක්‍රියාත්මක වේ. එහෙත්, දිගුකාලීන ආර්ථික බාධා, මහා පරිමාණ ව්‍යාපෘති අඩු වීම, ව්‍යාපෘති ආරම්භය ප්‍රමාද වීම සහ ගෙවීම් චක්‍රවල පවතින ප්‍රමාදයන් හේතුවෙන් මෙම මූල්‍ය ඉලක්ක සපුරා ගැනීම මෙම ආයතන වලට අතිශය දුෂ්කර වී ඇත.

මෙම මූල්‍ය පීඩනය හේතුවෙන් ඉදිකිරීම් සමාගම්වල සේවකයින් අතර දැඩි මානසික ආතතිය, රැකියා අනාරක්ෂිතභාවය පිළිබඳ බිය සහ එමගින් ඇතිවන හෘද රෝග හා අධික රුධිර පීඩනය වැනි සෞඛ්‍ය ගැටලු වර්ධනය වී තිබේ. මූල්‍ය ස්ථාවරත්වය ගිලිහී යාම නිසා සේවක සුභසාධන කටයුතු සහ සේවා ස්ථානවල සෞඛ්‍යාරක්ෂිත ප්‍රමිතීන් පවත්වාගෙන යාම ද අභියෝගයට ලක්ව ඇත.

බොහෝ දේශීය සමාගම් සතුව වෘත්තීය නිපුණතාවය සහිත ශ්‍රම බලකායක්, නවීන යන්ත්‍රෝපකරණ සහ සංකීර්ණ ව්‍යාපෘති නිම කිරීමේ පූර්ණ තාක්ෂණික හැකියාව පවතින අතර පසුගිය දශකය පුරා මොවුන් අතිශය දුෂ්කර තත්ත්වයන් යටතේ වුවද, නිසි ඉංජිනේරු ප්‍රමිතීන්ට අනුව මාර්ග සහ යටිතල පහසුකම් ව්‍යාපෘති සාර්ථකව නිම කර ඇත.

දැනට පවතින නිර්ණායක මගින් ව්‍යාපෘති නිම කිරීමේ පළපුරුද්ද සහ තාක්ෂණික දක්ෂතාවයට වඩා කෙටි කාලීන මූල්‍ය දත්තවලට වැඩි ඉඩක් ලබා දී ඇත. මෙහි ප්‍රතිඵලයක් ලෙස සාධාරණ තරඟකාරීත්වයට බාධා ඇති වන අතර දක්ෂ දේශීය සමාගම් ප්‍රධාන ව්‍යාපෘතිවලින් ඉවත් වේ. එමෙන්ම ක්ෂේත්‍රයේ වෘත්තිකයන්ගේ මානසික සෞඛ්‍ය පිරිහීම හේතුවෙන් සමස්ත කාර්යක්ෂමතාව පහත වැටේ.

එබැවින්, ඉදිකිරීම් ක්ෂේත්‍රයේ පැවැත්ම සහ එහි නියැලෙන ලක්ෂ සංඛ්‍යාත ජනතාවගේ සෞඛ්‍යාරක්ෂිත අනාගතය වෙනුවෙන්, මූල්‍ය දත්ත මෙන්ම තාක්ෂණික පූර්ව පළපුරුද්ද ද සමබරව සලකා බලන නව ප්‍රසම්පාදන ක්‍රමවේදයක අවශ්‍යතාවය ක්ෂේත්‍රයේ විද්වතුන් අවධාරණය කර සිටී.

The post කාර්මික නිපුණතාවය මූල්‍ය දර්ශකවලට බිලිදෙයි! ඉදිකිරීම් ක්ෂේත්‍රය වෙළාගත් දැවැන්ත අර්බුදය සේවක සෞඛ්‍යයටත් තර්ජනයක්! appeared first on TODAY NEWS LK.

from TODAY NEWS LK https://ift.tt/RHfDAjq

පාර්ලිමේන්තුවේ නියෝජ්‍ය මහ ලේකම් වෙනුවෙන් සජිත් පෙරට එයි

පාර්ලිමේන්තුවේ නියෝජ්‍ය මහ ලේකම් චමින්ද කුලරත්න මහතාගේ සේවය අත්හිටුවීමට ගෙන ඇති තීරණය දැඩි ලෙස විවේචනය කරමින් විපක්ෂ නායක සජිත් ප්‍රේමදාස මහතා සිය නිල ‘X’ (ට්විටර්) ගිණුම හරහා විශේෂ ප්‍රකාශයක් නිකුත් කර තිබේ.

මෙම තීරණය අත්තනෝමතික සහ ප්‍රජාතන්ත්‍රවාදී නොවන ක්‍රියාවක් බව පෙන්වා දෙන විපක්ෂ නායකවරයා, මේ සම්බන්ධයෙන් පාර්ලිමේන්තුව තුළ හඬ අවදි කරන බවටද අවධාරණය කරයි.

ඕනෑම පුද්ගලයෙකුට දණ්ඩනයක් ලබා දීමට පෙර තමාට එරෙහි චෝදනා සම්බන්ධයෙන් කරුණු දැක්වීමට ඇති මූලික ප්‍රජාතන්ත්‍රවාදී අයිතිය මෙහිදී උල්ලංඝනය වී ඇති බව ඔහු පවසයි.

නියෝජ්‍ය මහ ලේකම්වරයාගෙන් කිසිදු කරුණු විමසීමකින් තොරව මෙලෙස සේවය අත්හිටුවීම බරපතළ ගැටලුවක් බව සජිත් ප්‍රේමදාස මහතා පෙන්වා දෙයි.විධිමත් පරීක්ෂණයකින් තොරව මෙවැනි තීරණ ගැනීම හරහා මෙය පෞද්ගලික පලිගැනීමක් මත පදනම් වූවක් ද යන සාධාරණ සැකය මතු වන බව ඔහු සඳහන් කරයි.

මෙවැනි පූර්වාදර්ශයන් ඇති කිරීම ප්‍රජාතන්ත්‍රවාදී පාලන ක්‍රමයකට අතිශය භයානක තත්ත්වයක් බව විපක්ෂ නායකවරයා වැඩිදුරටත් අවධාරණය කර සිටී.

The post පාර්ලිමේන්තුවේ නියෝජ්‍ය මහ ලේකම් වෙනුවෙන් සජිත් පෙරට එයි appeared first on TODAY NEWS LK.

from TODAY NEWS LK https://ift.tt/Ys0SeoU

අද කාලගුණ නිවේදනය

උතුරු, උතුරු-මැද, නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි. 

නිවේදනයක් නිකුත් කරමින් එම දෙපාර්තමේන්තුව පැවසුවේ වයඹ පළාතේද වැසි වාර කිහිපයක් ඇති විය හැකි බවය.

සෙසු ප්‍රදේශවල පස්වරු 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකිය.

බස්නාහිර, සබරගමුව, මධ්‍යම සහ ඌව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකිය.

The post අද කාලගුණ නිවේදනය appeared first on TODAY NEWS LK.

from TODAY NEWS LK https://ift.tt/n5ka61c

ජනපතිගේ පැරණි මිතුරා මහින්ද හා ජනපති අතර ආර්ථිකය සම්බන්ධයෙන් ඵලදායී සාකච්ඡාවක්

හිටපු භාණ්ඩාගාර ලේකම් මහින්ද සිරිවර්ධන මහතා පසුගියදා (22) ජනාධිපති අනුර කුමාර දිසානායක මහතා හමු වී තිබේ.

X සටහනක් තබමින් මහින්ද සිරිවර්ධන මහතා පවසන්නේ, ජනාධිපති අනුර කුමාර දිසානායක මහතා සමඟින් ශ්‍රී ලංකාවේ ආර්ථිකය සම්බන්ධයෙන් ඵලදායී සාකච්ඡාවක නිරත වීමට හැකි වූ බවයි. එහිදී ශ්‍රී ලංකා ආර්ථිකයේ ඔරොත්තු දීමේ හැකියාව සහ තිරසාර වර්ධනය ශක්තිමත් කිරීම සඳහා ආසියානු සංවර්ධන බැංකුවේ සහාය ඇතුළුව අභියෝග, අවස්ථා සහ ඉදිරි මාර්ග පිළිබඳව අදහස් හුවමාරු කර ගත් බව ඔහු වැඩිදුරටත් සඳහන් කරයි.

Met Hon. President Anura Kumara Dissanayake today at Presidential Secretariat and had a constructive discussion on Sri Lanka’s economy. We exchanged views on challenges, opportunities & pathways forward, including support from ADB, to strengthen resilience and sustainable growth. pic.twitter.com/kaOAVyinxY

— Mahinda Siriwardana (@mahindasiri6) January 22, 2026

The post ජනපතිගේ පැරණි මිතුරා මහින්ද හා ජනපති අතර ආර්ථිකය සම්බන්ධයෙන් ඵලදායී සාකච්ඡාවක් appeared first on TODAY NEWS LK.

from TODAY NEWS LK https://ift.tt/pUjReYJ

පස්වරු 2න් පසු වැසි වැටෙන ප්‍රදේශ

උතුරු, උතුරු-මැද, නැගෙනහිර සහ වයඹ පළාත්වලත් මාතලේ සහ නුවරඑළිය දිස්ත්‍රික්කවලත් විටින් විට වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.

උතුරු, උතුරු-මැද සහ වයඹ පළාත්වලත් ත්‍රීකුණාමලය දිස්ත්‍රික්කයේත් ඇතැම් ස්ථානවලට මිලිමීටර් 50 ට වැඩි තරමක් තද වැසි ඇති විය හැකියි.

සෙසු ප්‍රදේශවල පස්වරු 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැක.

බස්නාහිර, සබරගමුව, මධ්‍යම, වයඹ, උතුරු-මැද, දකුණු සහ ඌව පළාත්වල ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

The post පස්වරු 2න් පසු වැසි වැටෙන ප්‍රදේශ appeared first on TODAY NEWS LK.

from TODAY NEWS LK https://ift.tt/lzcZVyo

අද උදෑසන 8 සිට දිවයින පුරා රෝහල්වල වෛද්‍ය වර්ජනයක්

අද (23) උදෑසන 8 සිට පැය 48ක කාලයක් දිවයින පුරා රෝහල්වල සංකේත වැඩවර්ජනයක් ආරම්භ කරන බව රජයේ වෛද්‍ය නිලධාරින්ගේ සංගමය ප්‍රකාශ කළේය.

මෙම වෘත්තීය ක්‍රියාමාර්ගය ගන්නා ලද්දේ සෞඛ්‍ය අමාත්‍යාංශය විසින් වෛද්‍යවරුන්ගේ ගැටලු විසඳීමට සහ නිදහස් සෞඛ්‍ය සේවාව ආරක්ෂා කිරීමට ලබාදුන් එකඟතාව ක්‍රියාත්මක කිරීමට අසමත්වීම හේතුවෙන්ය.

කෙසේ වෙතත්, මාතෘ හා ළමා රෝහල්, වකුගඩු රෝහල් සහ පිළිකා රෝහල්වල මෙම වැඩවර්ජනය ක්‍රියාත්මක නොවන බව සංගමය වැඩිදුරටත් සඳහන් කළේය.

The post අද උදෑසන 8 සිට දිවයින පුරා රෝහල්වල වෛද්‍ය වර්ජනයක් appeared first on TODAY NEWS LK.

from TODAY NEWS LK https://ift.tt/gUY0Wfn

අයියා හැප්පී මියගිය ටිපර් රථයට මල්ලිත් හැප්පෙයි (වීඩියෝ)

කිලිනොච්චිය ප්‍රදේශයෙන් අදහාගත නොහැකි ආකාරයේ පුවතක් වාර්තා වේ. තම වැඩිමහල් සහෝදරයා මරුමුවට පත්කළ ටිපර් රථයටම ඔහුගේ බාල සහෝදරයාද අනතුරට ලක්වීමේ පුවතක් මේ වන විට ප්‍රදේශය පුරා දැඩි කතාබහට ලක්ව තිබේ.

පසුගිය නොවැම්බර් මාසයේදී කිලිනොච්චිය ප්‍රදේශයේ සිදුවූ රිය අනතුරකින් පුද්ගලයෙකු ජීවිතක්ෂයට පත්විය. ප්‍රදේශවාසීන් පවසන්නේ වැලි ජාවාරමක තොරතුරු හෙළි කළ බවට සැක කරමින්, එම ජාවාරමට සම්බන්ධ ටිපර් රථයකින් හිතාමතාම ඔහු යටකර මරා දැමූ බවයි. එම මරණය සම්බන්ධ නඩුව මේ වන විටත් අධිකරණයේ විභාග වෙමින් පවතී.

අදාළ අනතුර සම්බන්ධයෙන් පොලිස් භාරයේ තිබූ එම ටිපර් රථය අධිකරණ නියෝග මත නිදහස් කිරීමෙන් පසු, වෙනත් රථයක ආධාරයෙන් මාර්ගයේ ඇදගෙන යමින් (Towing) තිබී ඇත. එහිදී පුදුම සහගත ලෙස මියගිය පුද්ගලයාගේ බාල සහෝදරයාද මෙම ටිපර් රථයේම ගැටී අනතුරට ලක්ව තිබේ.

මෙම දෙවැනි අනතුරෙන් බාල සහෝදරයාට හානියක් සිදු නොවුණද, මෙය අහම්බයක් නොවන බවට ප්‍රදේශවාසීන් චෝදනා කරති. පළමු මරණය මෙන්ම, මෙම අනතුරද සිතාමතා කළ බිය වැද්දීමක් බව ඔවුන්ගේ සැකයයි.

කිලිනොච්චිය පොලීසිය මේ පිළිබඳව වැඩිදුර විමර්ශන සිදු කරයි.

The post අයියා හැප්පී මියගිය ටිපර් රථයට මල්ලිත් හැප්පෙයි (වීඩියෝ) appeared first on TODAY NEWS LK.

from TODAY NEWS LK https://ift.tt/AI9FYR4

දිවයින පුරා රෝහල්වල රජයේ විකිරණ තාක්ෂණවේදීන් වර්ජනයක

සෞඛ්‍ය ක්ෂේත්‍රයේ මතුව ඇති පරිපාලන ගැටලු කිහිපයක් මුල් කරගනිමින් අද (21) දිනයේ දිවයින පුරා රෝහල් පද්ධතිය තුළ වර්ජන ක්‍රියාමාර්ග ද්විත්වයක් ක්‍රියාත්මක වන බව වාර්තා වේ.

රජයේ විකිරණ තාක්ෂණවේදීන්ගේ සංගමය අද උදෑසන 8.00 සිට පැය 24ක සංකේත වැඩවර්ජනයක් ආරම්භ කර ඇත.

මේ පිළිබඳව අදහස් දක්වමින් එම සංගමයේ සභාපති චානක ධර්මවික්‍රම මහතා සඳහන් කළේ, මාළිගාවත්ත වකුගඩු රෝහලේ නියෝජ්‍ය අධ්‍යක්ෂවරයාගේ අත්තනෝමතික ක්‍රියාකලාපයට එරෙහිව සෞඛ්‍ය අමාත්‍යාංශය නිසි පියවර නොගැනීම හේතුවෙන් මෙම තීරණය ගත් බවයි. මෙම වර්ජනය නිසා දිවයිනේ සියලුම රජයේ රෝහල්වල විකිරණ පරීක්ෂණ කටයුතුවලට බාධා එල්ල විය හැක.

මේ අතර, අක්කරයපත්තු රෝහලේ වෛද්‍ය අධිකාරීවරයාගේ ක්‍රියාකලාපයට විරෝධය පළ කරමින් නැගෙනහිර පළාත තුළ රජයේ වෛද්‍ය නිලධාරීන්ගේ සංගමය (GMOA) ආරම්භ කළ වර්ජනය අද පස්වන දිනටත් ක්‍රියාත්මක වේ.

රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක ‍වෛද්‍ය චමිල් විජේසිංහ මහතා සඳහන් කරන්නේ, අදාළ නිලධාරියා සම්බන්ධයෙන් බලධාරීන් මෙතෙක් සාධාරණ විසඳුමක් ලබා දී නොමැති බවයි.

The post දිවයින පුරා රෝහල්වල රජයේ විකිරණ තාක්ෂණවේදීන් වර්ජනයක appeared first on TODAY NEWS LK.

from TODAY NEWS LK https://ift.tt/bPCoLO3

අනිද්දා සිට කාලගුණයේ වෙනසක්

දිවයින පුරා දැනට පවතින වියළි කාලගුණික තත්ත්වයේ වෙනසක් ලබන ජනවාරි 23 වනදා සිට අපේක්ෂා කරන බව කාලගුණවිද්‍යා දෙපාර්තමේන්තුව නිවේදනය කරයි.

පසුගිය දින කිහිපය තුළ දිවයිනේ බොහෝ ප්‍රදේශවල පවතින වියළි ස්වභාවය තවදුරටත් දක්නට ලැබෙන අතර, උදෑසන කාලයේ පවතින අධික සීතල සහ මීදුම් සහිත තත්ත්වය පිළිබඳව දෙපාර්තමේන්තුව විශේෂ අවධානයක් යොමු කර ඇත.

කාලගුණවිද්‍යා දෙපාර්තමේන්තුව නිකුත් කළ නවතම වාර්තාවට අනුව ඉදිරි දිනවලදී පහත තත්ත්වයන් අපේක්ෂා කළ හැක.

හිමිදිරි උදෑසන කාලයේදී නුවරඑළිය දිස්ත්‍රික්කයේ ඇතැම් ස්ථානවල මල් තුහින ඇතිවීමේ හැකියාවක් පවතී.

අලුයම් කාලයේදී දිවයිනේ බස්නාහිර, සබරගමුව, මධ්‍යම, වයඹ, උතුරු-මැද සහ ඌව පළාත් වල සහ ගාල්ල, මාතර සහ අම්පාර දිස්ත්‍රික්ක කිහිපයක මීදුම් සහිත තත්ත්වයක් අපේක්ෂා කෙරේ.

පවතින මීදුම් සහිත තත්ත්වය හේතුවෙන් රියදුරන් දැඩි අවධානයෙන් කටයුතු කළ යුතු බව ද කාලගුණවිද්‍යා දෙපාර්තමේන්තුව වැඩිදුරටත් සඳහන් කරයි.

The post අනිද්දා සිට කාලගුණයේ වෙනසක් appeared first on TODAY NEWS LK.

from TODAY NEWS LK https://ift.tt/85LCP0W

සුප්‍රසිද්ධ ඉතාලි විලාසිතා නිර්මාණකරු වැලන්ටිනෝ දිවි ගමනට සමුදෙයි

ලාසිතා ලෝකයේ පෙරළිකාර අනන්‍යතාවයක් සනිටුහන් කළ සුප්‍රසිද්ධ ඉතාලි විලාසිතා නිර්මාණකරු වැලන්ටිනෝ ගරාවානි අභාවප්‍රාප්ත වී තිබේ. මියයන විට ඔහු 93 වැනි වියේ පසු වූ බව විදෙස් මාධ්‍ය වාර්තා කරයි.

20 වන සියවසේ විලාසිතා ක්ෂේත්‍රයේ දැවැන්තයෙකු ලෙස සැලකෙන වැලන්ටිනෝ, ස්පාඤ්ඤ සංචාරයකින් ලැබූ ආභාෂය මත සිය නිර්මාණ සඳහා රතු වර්ණය භාවිත කිරීමට හුරු විය.

• ඔහුගේ සුප්‍රසිද්ධ ‘ෆියෙස්ටා’ (Fiesta) ඇඳුම එළිදැක්වීමත් සමඟ වැලන්ටිනෝ සන්නාමය ගෝලීය කීර්තියට පත්විය.
• 2008 වසරේ පැවැති ඔහුගේ අවසන් විලාසිතා එකතුව ප්‍රදර්ශනය කිරීමේදී ද සියලුම නිරූපිකාවන් රතු පැහැති ඇඳුම් ඇඳ සිටීම විශේෂත්වයකි.

ලොව ප්‍රමුඛ පෙළේ ප්‍රසිද්ධ පුද්ගලයින් රැසකගේ සමීපතම නිර්මාණකරුවෙකු වූ වැලන්ටිනෝගේ සේවාදායකයින් අතර:

• එලිසබෙත් ටේලර්, නැන්සි රේගන්, ෂැරන් ස්ටෝන්, ජූලියා රොබට්ස් සහ ග්විනේත් පැල්ට්‍රෝ වැනි ප්‍රකට තරු සිටියහ.
• 2013 වසරේදී ස්වීඩනයේ මැඩලීන් කුමරියගේ මංගල ඇඳුම නිර්මාණය කිරීමේ ගෞරවය හිමිවූයේ ද ඔහුටය.

වැලන්ටිනෝගේ නිර්මාණ දිවිය පුරා දේශීය හා ජාත්‍යන්තර සම්මාන රැසකින් ඔහු පිදුම් ලැබීය. විශේෂයෙන්ම 2023 වසරේ දෙසැම්බර් මස ලන්ඩනයේ රාජකීය ඇල්බට් ශාලාවේ පැවති බ්‍රිතාන්‍ය විලාසිතා සම්මාන උළෙලේදී ඔහු විශිෂ්ට ජයග්‍රහණ සම්මානයෙන් (Outstanding Achievement Award) පිදුම් ලැබීය.

The post සුප්‍රසිද්ධ ඉතාලි විලාසිතා නිර්මාණකරු වැලන්ටිනෝ දිවි ගමනට සමුදෙයි appeared first on TODAY NEWS LK.

from TODAY NEWS LK https://ift.tt/0G3sFlQ

නැගෙනහිර පළාතේ වෛද්‍ය වර්ජනයක්

තෛපොංගල් උත්සවය වෙනුවෙන් තාවකාලිකව අත්හිටුවා තිබූ නැගෙනහිර පළාතේ රජයේ රෝහල් වෛද්‍ය වර්ජනය අද (19) පෙරවරු 8.00 සිට යළි ආරම්භ කරන බව රජයේ වෛද්‍ය නිලධාරීන්ගේ සංගමය (GMOA) නිවේදනය කරයි.

අක්කරෙයිපත්තුව මූලික රෝහලේ වෛද්‍ය අධිකාරීවරයාට එරෙහිව එල්ල වී ඇති බරපතළ චෝදනා සම්බන්ධයෙන් විධිමත් පරීක්ෂණයක් පවත්වන ලෙසත්, පරීක්ෂණ නිමවන තෙක් ඔහුව එම ධුරයෙන් ඉවත් කරන ලෙසත් වෛද්‍යවරුන් ඉල්ලා සිටියි.

පසුගිය අඟහරුවාදා ආරම්භ වූ මෙම වර්ජනය, උත්සව සමය වෙනුවෙන් තාවකාලිකව නතර කර තිබුණද, බලධාරීන්ගෙන් මෙතෙක් සාධාරණ විසඳුමක් ලැබී නොමැති බව සංගමය පවසයි.

අම්පාර, මඩකලපුව සහ ත්‍රිකුණාමලය යන දිස්ත්‍රික්ක තුනේම රජයේ රෝහල් මීට සම්බන්ධ වේ.බාහිර රෝගී අංශයේ (OPD) කටයුතු සහ සායනික කටයුතු අඩාල විය හැකි අතර, හදිසි ප්‍රතිකාර සේවා පමණක් ක්‍රියාත්මක වනු ඇතැයි අපේක්ෂා කෙරේ.

නිසි පරීක්ෂණයක් පවත්වා වෛද්‍ය ක්ෂේත්‍රයේ විනය සහ පාලනය තහවුරු කරන ලෙස රජයේ වෛද්‍ය නිලධාරීන්ගේ සංගමය රජයෙන් අවධාරණය කර සිටියි.

The post නැගෙනහිර පළාතේ වෛද්‍ය වර්ජනයක් appeared first on TODAY NEWS LK.

from TODAY NEWS LK https://ift.tt/CdwApu3

හිටපු අමාත්‍ය මහින්දානන්ද අලුත්ගමගේ හා දුමින්ද සිල්වා රඳවා සිටින වාට්ටුවේ විශේෂ සෝදිසියක්

හිටපු අමාත්‍යවරුන් පිරිසක් රඳවා සිටින වැලිකඩ බන්ධනාගාර වාට්ටුවක සිදුකළ විශේෂ සෝදිසි මෙහෙයුමකදී ජංගම දුරකථන ඇතුළු උපාංග තොගයක් සොයා ගෙන ඇත.

මේ වනවිට එම වාට්ටුවේ හිටපු අමාත්‍යවරුන් වන මහින්දානන්ද අලුත්ගමගේ, නලීන් ප්‍රනාන්දු, එස්.එම් රංජිත් සහ දුමින්ද සිල්වා යන අය රඳවා ඇතැයි බන්ධනාගාර දෙපාර්තමේන්තුවේ ආරංචිමාර්ග සඳහන් කරයි.

ස්මාර්ට් ජංගම දුරකථන, දුරකථන චාඡර්, ජංගම දුරකථන ඇතුළු උපාංග සොයාගත් භාණ්ඩ අතරට ඇතුළත් වන අතර එම ජංගම දුරකථන පොලිස් භාරයට ගෙන ඉදිරි විමර්ශන ක්‍රියාත්මක බව බන්ධනාගාර දෙපාර්තමේන්තුව සඳහන් කරයි.

The post හිටපු අමාත්‍ය මහින්දානන්ද අලුත්ගමගේ හා දුමින්ද සිල්වා රඳවා සිටින වාට්ටුවේ විශේෂ සෝදිසියක් appeared first on TODAY NEWS LK.

from TODAY NEWS LK https://ift.tt/j8cBbqK

ග්‍රීන්ලන්තය ඉල්ලා ට්‍රම්ප්ගෙන් ‘බදු ප්‍රහාරයක්’! බ්‍රිතාන්‍යය ඇතුළු රටවල් රැසකට අමතර තීරුබදු!

එළැඹෙන පෙබරවාරි 01 වැනිදා සිට ක්‍රියාත්මක වන පරිදි එක්සත් රාජධානිය, ඩෙන්මාර්කය ඇතුළු යුරෝපීය රටවල් රැසකට 10%ක නව ආනයනික තීරුබද්දක් පැනවීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබේ.

තම නිල ‘Truth Social’ ගිණුමේ සටහනක් තබමින් ජනාධිපතිවරයා අවධාරණය කර ඇත්තේ, මෙම තීරණයට ප්‍රධානතම හේතුව ග්‍රීන්ලන්තය (Greenland) අමෙරිකා එක්සත් ජනපදයට ඈඳා ගැනීම සඳහා වන ගනුදෙනුවකට අදාළ රටවල් එකඟ නොවීම බවයි.

බලපෑමට ලක්වන රටවල්

මෙම නව බදු පැනවීම යටතේ පහත සඳහන් රටවලින් අමෙරිකාවට ආනයනය කරන සියලුම භාණ්ඩ සඳහා අතිරේක පිරිවැයක් දැරීමට සිදුවනු ඇත:

• එක්සත් රාජධානිය (UK)
• ඩෙන්මාර්කය
• ප්‍රංශය
• ජර්මනිය
• නෙදර්ලන්තය
• නෝර්වේ
• ස්වීඩනය
• ෆින්ලන්තය

තීරුබදු ඉහළ යන ආකාරය

ජනාධිපති ට්‍රම්ප්ගේ ප්‍රකාශයට අනුව මෙම බදු පැනවීම අදියර දෙකකින් සිදු කිරීමට සැලසුම් කර ඇත:

1. 2026 පෙබරවාරි 01 සිට: සියලුම ආනයනික භාණ්ඩ මත 10%ක තීරුබද්දක්.
2. 2026 ජුනි 01 සිට: අදාළ එකඟතාවලට නොපැමිණෙන්නේ නම් එම බද්ද 25%ක් දක්වා ඉහළ දැමීම.

ග්‍රීන්ලන්තය අමෙරිකාවට පවරා ගැනීම සම්බන්ධයෙන් වන එකඟතාවකට එළැඹෙන තෙක් මෙම දැඩි ආර්ථික ක්‍රියාමාර්ග ලිහිල් නොකරන බව ජනාධිපතිවරයා අනතුරු අඟවා ඇත. මෙය යුරෝපය සහ අමෙරිකාව අතර පවතින රාජ්‍ය තාන්ත්‍රික සහ වෙළඳ සබඳතාවල දැඩි නොසන්සුන්තාවයක් ඇති කිරීමට හේතු වනු ඇතැයි දේශපාලන විචාරකයෝ පෙන්වා දෙති.

The post ග්‍රීන්ලන්තය ඉල්ලා ට්‍රම්ප්ගෙන් ‘බදු ප්‍රහාරයක්’! බ්‍රිතාන්‍යය ඇතුළු රටවල් රැසකට අමතර තීරුබදු! appeared first on TODAY NEWS LK.

from TODAY NEWS LK https://ift.tt/Qn3jP6b

අහස පොළොව නුහුලන අපරාධයක්! 7 හැවිරිදි පුංචි මල් කැකුළක් 35 හැවිරිදි කාමතුරයෙක්ට බිලි වෙයි!

7 හැවිරිදි පාසල් දැරියක් දූෂණය කිරීමේ සිද්ධියක් සම්බන්ධයෙන් 35 හැවිරිදි පුද්ගලයෙකු නාවලපිටිය පොලීසිය මගින් ඊයේ (16) සැකපිට අත්අඩංගුවට ගෙන තිබේ.

මෙම අවාසනාවන්ත සිදුවීම වාර්තා වන්නේ නාවලපිටිය, වෙස්වෝර්ල්ඩ් වතුයායේ රිලාගල කොටසෙනි. සැකකරු සහ වින්දිත දැරිය එම ප්‍රදේශයේම පදිංචිකරුවන් බව පොලිසිය පවසයි.

පසුගිය 15 වනදා පස්වරුවේ දැරිය නිවසේ නොමැති වීම හේතුවෙන් ඥාතීන් විසින් සිදුකළ සෝදිසියකදී ඇයව සොයාගෙන ඇත.

නිවසේ සිට මීටර් 500ක් පමණ දුරින් වැටී සිටියදී පැය 4කට පමණ පසු දැරිය සොයා ගැනීමට හැකි වී තිබේ.

මූලික පරීක්ෂණවලට අනුව, බීමත්ව සිටි සැකකරු දැරියව නිවසින් මීටර් 500ක් පමණ ඈතට රැගෙන ගොස් අපයෝජනය කර එම ස්ථානයේම දමා ගොස් ඇත.

අපයෝජනයට ලක්වූ දැරිය විසින් සැකකරු හඳුනාගෙන ඇති අතර, ඇය ප්‍රකාශ කළ නම මත පදනම්ව ඥාතීන් නාවලපිටිය පොලීසියට පැමිණිලි කර ඇත. වහාම ක්‍රියාත්මක වූ පොලිසිය සැකකරු අත්අඩංගුවට ගෙන තිබේ.

දැරිය ප්‍රථමයෙන් නාවලපිටිය දිස්ත්‍රික් මහ රෝහලට ඇතුළත් කළ අතර, වැඩිදුර ප්‍රතිකාර සඳහා ඇයව පේරාදෙණිය ළමා රෝහල වෙත යොමු කර ඇත.

ගම්පොළ කොට්ඨාශභාර සහකාර පොලිස් අධිකාරි එච්.එම්.ඩී. හේරත් මහතාගේ අධීක්ෂණය යටතේ නාවලපිටිය පොලිසියේ ස්ථානාධිපති ප්‍රධාන පොලිස් පරික්ෂක කේ.එම්. කුලතුංග මහතා ඇතුළු කණ්ඩායමක් මේ පිළිබඳව වැඩිදුර විමර්ශන පවත්වයි.

අත්අඩංගුවට ගත් සැකකරු නාවලපිටිය මහේස්ත්‍රාත් අධිකරණය වෙත ඉදිරිපත් කිරීමට නියමිතය.

The post අහස පොළොව නුහුලන අපරාධයක්! 7 හැවිරිදි පුංචි මල් කැකුළක් 35 හැවිරිදි කාමතුරයෙක්ට බිලි වෙයි! appeared first on TODAY NEWS LK.

from TODAY NEWS LK https://ift.tt/qeK6oVs

රනිල්ගෙන් විමල්ට දුරකථන ඇමතුමක්

හිටපු ජනාධිපති සහ එක්සත් ජාතික පක්ෂ නායක රනිල් වික්‍රමසිංහ මහතා සහ ජාතික නිදහස් පෙරමුණේ නායක හිටපු අමාත්‍ය විමල් වීරවංශ මහතා අතර විශේෂ දුරකථන සංවාදයක් සිදුව තිබේ.

පසුගියදා (14) පස්වරුවේ මෙම ඇමතුම ලබාදී ඇත්තේ රනිල් වික්‍රමසිංහ මහතා අනුරාධපුරයේ සිට කොළඹ බලා පැමිණෙමින් සිටි අතරතුරදීය.

කෙටි වේලාවක් පැවැති මෙම දුරකථන සංවාදයේදී පුද්ගලික කරුණු වලට අමතරව, රටේ වර්තමාන දේශපාලන තත්ත්වය පිළිබඳවද දෙපල අතර කෙටි අදහස් හුවමාරුවක් සිදුව ඇති බව වාර්තා වේ.

පසුගිය කාලසීමාව පුරා දේශපාලනිකව ප්‍රතිවිරුද්ධ මත දැරූ මෙම නායකයන් දෙපල අතර සිදුවූ මෙම සුහද කතාබහ දේශපාලන ක්ෂේත්‍රයේ දැඩි අවධානයට ලක්ව ඇත.

The post රනිල්ගෙන් විමල්ට දුරකථන ඇමතුමක් appeared first on TODAY NEWS LK.

from TODAY NEWS LK https://ift.tt/1M3sR6g

අද සිට වැසි තත්ත්වයේ වෙනසක්

අද (15) දින සිට දිවයිනේ වැසි තත්ත්වයේ අඩුවීමක් බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

කළුතර, ගාල්ල, මාතර සහ රත්නපුර දිස්ත්‍රික්කවල ප.ව. 4.00න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකිය.

සෙසු ප්‍රදේශවල ප්‍රධාන වශයෙන් වැසි රහිත කාලගුණික තත්ත්වයක් පවතී.

බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකිය.

The post අද සිට වැසි තත්ත්වයේ වෙනසක් appeared first on TODAY NEWS LK.

from TODAY NEWS LK https://ift.tt/sIlzH8t

අද කාලගුණ නිවේදනය

දිවයින පුරා පවතින වැසි සහිත කාලගුණික තත්ත්වයේ අඩුවීමක් හෙට (15) දින සිට බලාපොරොත්තු විය හැකි බව කාලගුණ විද්‍යා දෙපාර්තමේන්තුව නිවේදනය කරයි.

එම දෙපාර්තමේන්තුව නිකුත් කළ නිවේදනයට අනුව ඉදිරි පැය කිහිපය සඳහා වන කාලගුණ අනාවැකිය මෙසේය:

ඌව, නැගෙනහිර සහ මධ්‍යම පළාත්වල වැසි ස්වල්පයක් ඇතිවිය හැකියි.බස්නාහිර පළාතෙත්, ගාල්ල, මාතර සහ රත්නපුර දිස්ත්‍රික්කවලත් පස්වරු 2.00 න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැක.දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණික තත්ත්වයක් පවතිනු ඇතැයි අපේක්ෂා කෙරේ.

අළුයම් කාලයේදී බස්නාහිර, සබරගමුව, මධ්‍යම පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල මීදුම් සහිත තත්ත්වයක් පැවතිය හැකි බව කාලගුණ විද්‍යා දෙපාර්තමේන්තුව පවසයි.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටියි.

The post අද කාලගුණ නිවේදනය appeared first on TODAY NEWS LK.

from TODAY NEWS LK https://ift.tt/WRJmhO2

ට්‍රම්ප් යළි සැරවෙයි! ඉරානය සමඟ ගනුදෙනු කරන රටවල භාණ්ඩ සඳහා ට්‍රම්ප්ගෙන් දැවැන්ත තීරු බද්දක්!

ඇමෙරිකානු ජනාධිපති ඩොනල්ඩ් ට්‍රම්ප් විසින් ඉරානය ඉලක්ක කරගනිමින් දැඩි ආර්ථික හා දේශපාලනික තීරණයක් ගෙන තිබේ. ඒ අනුව, ඉරානය සමඟ වාණිජ සබඳතා පවත්වන ඕනෑම රටක භාණ්ඩ සඳහා 25%ක නව තීරු බද්දක් පැනවීමට ඔහු පියවර ගෙන ඇත.

වහාම ක්‍රියාත්මක වන නව බදු පැනවීම

තම තීරණය පිළිබඳව සිය Truth Social ගිණුමේ සටහනක් තබමින් ජනාධිපති ට්‍රම්ප් අවධාරණය කර ඇත්තේ, මෙම නව තීරු බදු පැනවීම වහාම ක්‍රියාත්මක වන පරිදි බලපැවැත්වෙන බවයි. ඉරානයේ ආර්ථික මර්දනය ශක්තිමත් කිරීම සහ එරට සමඟ සහයෝගයෙන් කටයුතු කරන රටවලට බලපෑම් කිරීම මෙහි ප්‍රධාන අරමුණ වී තිබේ.

හමුදාමය මැදිහත්වීම පිළිබඳ අනතුරු ඇඟවීම්

මෙම ආර්ථික සම්බාධක පැනවීමට පෙර, ඉරානය තුළ සිදුවන මානව හිමිකම් උල්ලංඝනය කිරීම් සම්බන්ධයෙන්ද ට්‍රම්ප් දැඩි විවේචනයක් එල්ල කළේය. විශේෂයෙන්ම:

• ඉරාන රජය එරට විරෝධතාකරුවන් ඝාතනය කිරීමට කටයුතු කළහොත්, ඇමෙරිකාව මිලිටරිමය වශයෙන් (හමුදාමය වශයෙන්) මැදිහත් වන බවට ඔහු අනතුරු ඇඟවීය.
• මෙම තීරණය ගෙන ඇත්තේ කලාපීය ආරක්ෂාව සහ මානව හිමිකම් සුරැකීමේ පියවරක් ලෙස බව වාර්තා වේ.

ගෝලීය බලපෑම

මෙම 25%ක බදු පැනවීමත් සමඟ ඉරානය සමඟ සමීප වෙළඳ සබඳතා පවත්වන ආසියානු සහ යුරෝපීය රටවල් රැසකට දැඩි ආර්ථික බලපෑමක් එල්ල වනු ඇතැයි ආර්ථික විශ්ලේෂකයෝ පෙන්වා දෙති. මෙය ජාත්‍යන්තර වෙළඳපොළේ භාණ්ඩ මිල ඉහළ යාමට මෙන්ම රාජ්‍යතාන්ත්‍රික සබඳතා අර්බුදයකට යාමටද හේතු විය හැක.

The post ට්‍රම්ප් යළි සැරවෙයි! ඉරානය සමඟ ගනුදෙනු කරන රටවල භාණ්ඩ සඳහා ට්‍රම්ප්ගෙන් දැවැන්ත තීරු බද්දක්! appeared first on TODAY NEWS LK.

from TODAY NEWS LK https://ift.tt/GOrj0dg

වසර 14කට පසු ශ්‍රී ලංකාව ලැබූ ඓතිහාසික තරගාවලි ජය

සංචාරක පාකිස්තාන කණ්ඩායම සමඟ පැවැති තීරණාත්මක අවසන් විස්සයි20 ක්‍රිකට් තරගයෙන් ලකුණු 14ක තියුණු ජයක් වාර්තා කිරීමට ශ්‍රී ලංකා කණ්ඩායම ඊයේ (11) සමත් විය. මෙම ජයග්‍රහණයත් සමඟ දෙරට අතර පැවැති තරග 3කින් යුත් තරගාවලිය 1-1ක් ලෙස ජයපරාජයෙන් තොරව අවසන් කර ගැනීමට ශ්‍රී ලංකාවට හැකි විය.

දඹුල්ලේ පැවැති මෙම තරගයට වර්ෂාවෙන් බාධා එල්ල වීම හේතුවෙන් තරගය ආරම්භ වූයේ රාත්‍රී 9.20ටය. ඒ අනුව එක් ඉනිමක් පන්දුවාර 12කට සීමා කරමින් තරගය පැවැත්විණි. තරගාවලි පරාජයෙන් බේරීමට මෙම තරගයේ ජය ශ්‍රී ලංකාවට අතිශය තීරණාත්මක විය.

පළමුව පන්දුවට පහරදුන් ශ්‍රී ලංකා පිතිකරුවෝ ආරම්භයේ සිටම වේගවත් ලකුණු රැස්කිරීමක නිරත වූහ. ඒ අනුව පන්දුවාර 12 අවසානයේ කඩුලු 6ක් දැවී ලකුණු 160ක් රැස්කිරීමට ඔවුන් සමත් විය.

ලකුණු 161ක ඉලක්කයක් හඹාගිය පාකිස්තාන කණ්ඩායමට නියමිත පන්දුවාර 12 තුළදී කඩුලු 8ක් දැවී රැස්කිරීමට හැකිවූයේ ලකුණු 146ක් පමණි. පාකිස්තාන ඉනිමට ප්‍රවේගකාරී ආරම්භයක් ලබාදුන් නායක සල්මාන් අගා පන්දු 12කින් ලකුණු 45ක් රැස්කළද, ශ්‍රී ලංකා පන්දු යවන්නන් හමුවේ ඉලක්කය කරා යාමට ඔවුන්ට නොහැකි විය.

ශ්‍රී ලංකාව වෙනුවෙන් විශිෂ්ට පන්දු යැවීමක නිරත වූ වනිඳු හසරංග පන්දුවාර 3කදී ලකුණු 35කට කඩුලු 4ක් දවාගනිමින් පාකිස්තාන ඉනිම මෙල්ල කිරීමට සමත් විය.

The post වසර 14කට පසු ශ්‍රී ලංකාව ලැබූ ඓතිහාසික තරගාවලි ජය appeared first on TODAY NEWS LK.

from TODAY NEWS LK https://ift.tt/avrxCWH

ජයග්‍රහණය සඳහා පාකිස්ථානයට හිමි වූ දැවැන්ත ඉලක්කය

ශ්‍රී ලංකාව හා සංචාරක පාකිස්තානය අතර අද (11) පැවැත්වෙන තෙවන හා අවසන් විස්සයි20 ක්‍රිකට් තරගයේ පළමුව පන්දුවට පහරදුන් ශ්‍රී ලංකාව පන්දුවාර 12 තුළදී කඩුලු 6ක් දැවී ලකුණු 160ක් රැස්කිරීමට සමත් විය.

ඒ අනුව තරගාවලියේ ශූරතාව තහවුරු කරගැනීමට සඳහා පාකිස්තානයට ලකුණු 161ක අසීරු ඉලක්කයක් හිමිවිය.

වර්ෂාවෙන් බාධා එල්ල වූ මෙම තරගය රාත්‍රී 9.20ට ආරම්භ වූ අතර, ඒ හේතුවෙන් එක් ඉනිමක් පන්දුවාර 12කට සීමාකර පැවැත්විණි.

මෙහිදී කාසියේ වාසිය උරාගා දිනූ පාකිස්තානය නායකයා පළමුව පන්දු යැවීමට තීරණය කළේය.

තරගාවලි පරාජයෙන් බේරීමට මෙම තරගයේ ජය ශ්‍රී ලංකාවට අනිවාර්ය වේ.

The post ජයග්‍රහණය සඳහා පාකිස්ථානයට හිමි වූ දැවැන්ත ඉලක්කය appeared first on TODAY NEWS LK.

from TODAY NEWS LK https://ift.tt/wHFcuoC

සජබ මන්ත්‍රී ප්‍රසාද් සිරිවර්ධනට CIDයෙන් කැඳවීමක්

පෞද්ගලික රූපවාහිනි නාලිකාවක විකාශය වූ වැඩසටහනකදී නව අධ්‍යාපන ප්‍රතිසංස්කරණ සම්බන්ධයෙන් සිදුකළ ප්‍රකාශයක් සම්බන්ධයෙන් සමගි ජන බලවේගයේ පාර්ලිමේන්තු මන්ත්‍රී ප්‍රසාද් සිරිවර්ධනට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දන්වා තිබෙනවා.

ඒ අනුව මන්ත්‍රීවරයාට හෙට (12) පෙරවරු 10.00 ට ප්‍රකාශයක් ලබා දීම සඳහා අපරාධ පරීක්ෂණ දෙපාර්තමේන්තුවට පැමිණෙන ලෙසයි දැනුම් දී ඇත්තේ.

තමන්ව CID කැඳවීම පිළිබඳව අදහස් දක්වමින් සිරිවර්ධන මන්ත්‍රීවරයා පවසා ඇත්තේ, ජනතාව තෝරා පත්කර ගත් රජයේ වත්මන් ස්වභාවය මෙයින් පැහැදිලි වන බවත් මෙය ”බෝනික්කන්ගේ ආණ්ඩුවක්” බවයි.

The post සජබ මන්ත්‍රී ප්‍රසාද් සිරිවර්ධනට CIDයෙන් කැඳවීමක් appeared first on TODAY NEWS LK.

from TODAY NEWS LK https://ift.tt/04Je8cQ

පීඩන අවපාතය ගැන කාලගුණයෙන් සිදු කළ නවතම දැනුම්දීම

මන්නාරම බොක්ක ප්‍රදේශයේ පවතින අඩුපීඩන ප්‍රදේශය තවදුරටත් දුර්වල වෙමින් පවතින බව කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව පෙන්වා දෙන්නේ එම පද්ධතිය මගින් දිවයිනේ කාලගුණයට වන බලපෑම තවදුරටත් අඩුවෙමින් පවතින බවය.

ඒ අනුව උතුරු , උතුරු-මැද, ඌව සහ නැගෙනහිර පළාත්වල විටින් විට වැසි හෝ ගිගුරුම් සහිත වැසි ඇති විය හැකියි.
වයඹ සහ මධ්‍යම පළාත්වල වැසි වාර කිහිපයක් ඇතිවිය හැක.

සෙසු ප්‍රදේශවල සවස් කාලයේ හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැක.

උතුරු සහ වයඹ පළාත්වලත් මාතලේ, ත්‍රිකුණාමලය සහ නුවරඑළිය දිස්ත්‍රික්කවලත් විටින් විට හමන පැ.කි.මී. (30-40) දක්වා වන තරමක් තද සුළං ඇතිවිය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

The post පීඩන අවපාතය ගැන කාලගුණයෙන් සිදු කළ නවතම දැනුම්දීම appeared first on TODAY NEWS LK.

from TODAY NEWS LK https://ift.tt/jBpzaKe

ජූලි චන්ග් සිය රාජකාරිය නිම කරයි! අමාත්‍ය විජිත හේරත් හමු වී සමුගනී!

ශ්‍රී ලංකාවේ සිව් වසරක සේවා කාලය නිමා කරමින් මෙරටින් පිටව යන ඇමරිකානු තානාපතිනි ජූලි චන්ග්, ඊයේ (09) දින විදේශ කටයුතු, විදේශ රැකියා සහ සංචාරක අමාත්‍ය විජිත හේරත් හමු වී සමුගැනීමේ නිල සාකච්ඡාවක නිරත වී තිබෙනවා.

2022 වසරේ සිට 2026 දක්වා වූ කාලය තුළ අමෙරිකා – ශ්‍රී ලංකා සබඳතා ශක්තිමත් කිරීම වෙනුවෙන් ඇය දැක්වූ නොපසුබට උත්සාහය අමාත්‍යවරයා මෙහිදී අගය කර ඇති අතර, මේ සම්බන්ධයෙන් ‘X’ පණිවුඩයක් නිකුත් කරමින් අමාත්‍යවරයා සඳහන් කළේ, ඇයගේ කැපවීම ද්විපාර්ශ්වික සබඳතාවල නව සන්ධිස්ථානයක් සනිටුහන් කළ බවයි.

මෑතකදී ශ්‍රී ලංකාවට බලපෑ ‘දිට්වා’ සුළි කුණාටුවෙන් සිදු වූ විපත්තිය හමුවේ, ඇමරිකානු බලධාරීන්ගේ සහාය මෙරටට ලබා දීම සඳහා ඇය දැක්වූ කඩිනම් සම්බන්ධීකරණය වෙනුවෙන් අමාත්‍යවරයා මෙහිදී සිය ස්තුතියද පළකර තිබෙනවා.

තානාපතිනි ජූලි චන්ග් 2022 වසරේ පෙබරවාරි මාසයේදී ශ්‍රී ලංකාවේ සිය රාජකාරි ආරම්භ කළ අතර, වසර හතරකට ආසන්න සේවා කාලයකින් පසු ලබන ජනවාරි 16 වනදා ඇය මෙරටින් පිටත්ව යාමට නියමිත බවයි වාර්තා වන්නේ.

The post ජූලි චන්ග් සිය රාජකාරිය නිම කරයි! අමාත්‍ය විජිත හේරත් හමු වී සමුගනී! appeared first on TODAY NEWS LK.

from TODAY NEWS LK https://ift.tt/j8SDEbU

ගැඹුරු පීඩන අවපාතය අද සවස් කාලයේදී ශ්‍රී ලංකා වෙරළ තීරය හරහා ගමන් කරයි! නවතම කාලගුණ දැනුම්දීම මෙන්න!

ශ්‍රී ලංකාවට ගිනිකොන දෙසින් බෙංගාල බොක්ක මුහුදු ප්‍රදේශයේ පවතින ගැඹුරු පීඩන අවපාතය, අද (09) සවස් කාලයේදී පොතුවිල් සහ ත්‍රිකුණාමලය අතරින් ශ්‍රී ලංකාවේ වෙරළ තීරය හරහා ගමන් කිරීමට නියමිත බව කාලගුණ විද්‍යා දෙපාර්තමේන්තුව නිවේදනය කරයි.

අද අලුයම 4 වන විට මෙම පද්ධතිය මඩකලපුව සිට කිලෝමීටර් 200ක් පමණ ගිනිකොණ දෙසින් පිහිටා තිබූ අතර, එය තවදුරටත් වර්ධනය වෙමින් වයඹ දෙසට ගමන් කරමින් පවතී.

වැසි තත්ත්වය

දිවයිනේ බොහෝ ප්‍රදේශවල අහස වලාකුළින් බරව පවතින අතර පහත සඳහන් ප්‍රදේශවලට තද වැසි අපේක්ෂා කෙරේ:

• මි.මී. 100 ට වැඩි තද වැසි: උතුරු, උතුරු-මැද පළාත්, මාතලේ, ත්‍රිකුණාමලය සහ පුත්තලම දිස්ත්‍රික්ක.
• මි.මී. 50-75 ක තද වැසි: මහනුවර, නුවරඑළිය සහ මඩකලපුව දිස්ත්‍රික්ක.
• විටින් විට වැසි: ඌව, මධ්‍යම සහ වයඹ පළාත්.
• සෙසු ප්‍රදේශවල සවස් කාලයේ හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැක.

සුළං තත්ත්වය පිළිබඳ අනතුරු ඇඟවීම්

පීඩන අවපාතයේ බලපෑම හේතුවෙන් දිවයිනේ ප්‍රදේශ කිහිපයක සුළගේ වේගය ඉහළ යා හැකි බව කාලගුණ අංශ පවසයි:

• පැ.කි.මී. 50-60 දක්වා තද සුළං: මධ්‍යම කඳුකරයේ නැගෙනහිර බෑවුම්, උතුරු, උතුරු-මැද, වයඹ, මධ්‍යම, ඌව, නැගෙනහිර පළාත් සහ ගම්පහ, කොළඹ දිස්ත්‍රික්ක.
• ප්‍රහාරාත්මක සුළං: ඇතැම් අවස්ථාවලදී සුළගේ වේගය පැ.කි.මී. 70 දක්වා ඉහළ යා හැකිය.

The post ගැඹුරු පීඩන අවපාතය අද සවස් කාලයේදී ශ්‍රී ලංකා වෙරළ තීරය හරහා ගමන් කරයි! නවතම කාලගුණ දැනුම්දීම මෙන්න! appeared first on TODAY NEWS LK.

from TODAY NEWS LK https://ift.tt/Lps5CFR

ජපන් සිහින දකින්නන්ට සුබ ආරංචියක්! අවශ්‍ය සුදුසුකම් මෙන්න!

ශ්‍රී ලාංකික තරුණ ප්‍රජාවට ජපානයේ විදුලි කාර්මික ක්ෂේත්‍රයේ රැකියා අවස්ථා රැසක් ලැබෙන අවබෝධතා ගිවිසුමකට අත්සන් තැබීම ඊයේ (07) දින ශ්‍රී ලංකා විදේශ සේවා නියුක්ති කාර්යාංශයේදී සිදුකර තිබෙනවා.

ජපානයේ Enterprise United Co-operative ආයතනය හා ශ්‍රී ලංකා විදේශ රැකියා ඒජන්සි ආයතනය අතර මෙම අවබෝධතා ගිවිසුම අත්සන් කළ අතර, ජපානය වෙනුවෙන් එහි සභාපති Kazuhiro Hanzaki හා ශ්‍රී ලංකාව වෙනුවෙන් ශ්‍රී ලංකා විදේශ රැකියා ඒජන්සි ආයතනයේ සභාපති ලාල් හෙට්ටිආරච්චි යන මහත්වරුන් ගිවිසුමට අත්සන් තැබුවා.

මෙම අවබෝධතා ගිවිසුම අනුව ජපානයේ විදුලි කාර්මික ක්ෂේත්‍රයට අදාළ රැකියා අවස්ථා ශ්‍රී ලංකාවේ ජාතික වෘත්තීය සුදුසුකම්ලත් (NVQ) ශ්‍රමිකයින්ට හිමිවනවා.

ජාතික වෘත්තීය සුදුසුකම, වයස අවුරුදු 20-28 ත් අතර, අ.පො.ස උසස් පෙළ දක්වා අධ්‍යාපනය ලැබූ, තරුණ පිරිස් මේ සඳහා තෝරා ගනු ලබනවා.

ජපන් භාෂාව හදාරා තිබීම අතිරේක සුදුසුකමක් වන අතර, ඒ සඳහා අදාළ පුහුණුව ලබාදීමටද මෙම ගිවිසුම මගින් කටයුතු කළා.

මෙම අවබෝධතා ගිවිසුම අත්සන් කිරීම සඳහා කැබිනට් මණ්ඩලයේ අනුමැතියද හිමි වුණා.

ඒ අනුව ජපන් භාෂාව පුහුණු කිරීම් හා වෘත්තිය පුහුණු කිරීම් කටයුතු ජාතික තරුණ සේවා සභාවේ  සපුගස්කන්ද වෘත්තිය පුහුණු මධ්‍යස්ථානයේදී සිදුකිරීමට නියමිතයි.

අමාත්‍ය මණ්ඩල තීරණවලට අනුව ජාතික තරුණ සේවා සභාව, වෘත්තිය පුහුණු අධිකාරිය, NAITA, VTA, කාර්මික අධ්‍යාපන පුහුණු කිරීමේ අධිකාරිය හා ශ්‍රී ලංකා විදේශ සේවා නියුක්ති කාර්යාංශයේ රැකියා බැංකුවේ ලියාපදිංචි, සුදුසුකම් ලත් පිරිස් තුළින් තෝරාගන්නවා.

සියළුම බඳවාගැනීම් රජයේ වැඩපිළිවෙල අනුව ශ්‍රී ලංකා විදේශ රැකියා ඒජන්සිය මගින් සිදු කළා.

මෙම අවස්ථාවට විදේශ කටයුතු, විදේශ රැකියා හා සංචාරක අමාත්‍යාංශයේ අතිරේක ලේකම් ආචාර්ය සුදත් යාලේගම, ජපානයේ  Enterprise United Co-operative ආයතනයේ ප්‍රධාන උපදේශක Yoshiko Nakayama, ශ්‍රී ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ, ශ්‍රී ලංකා විදේශ රැකියා ඒජන්සි ආයතනයේ අධ්‍යක්ෂ විශ්ව නිරන්ත කුරුවිට, එහි සාමාන්‍යාධිකාරී සී.පී. ලොකුගලප්පත්ති යන මහත්ම මහත්මීන්ද එක්ව සිටියා.

The post ජපන් සිහින දකින්නන්ට සුබ ආරංචියක්! අවශ්‍ය සුදුසුකම් මෙන්න! appeared first on TODAY NEWS LK.

from TODAY NEWS LK https://ift.tt/PKxRT84

ලිට්‍රෝ ගෑස් මිල ගැන දැනුම්දීමක්

ලෝක වෙළෙඳපොළේ ගෑස් මිල ඉහළ ගොස් තිබුණද, මෙරට පාරිභෝගිකයන්ට සහනයක් වෙමින් ජනවාරි මාසය සඳහා ගෑස් මිල සංශෝධනය නොකිරීමට ලිට්‍රෝ ගෑස් ලංකා (Litro Gas) සමාගම තීරණය කර තිබේ.

ලෝක වෙළෙඳපොළේ පවතින මිල ගණන් අනුව මෙරට ගෑස් මිලෙහි වැඩිවීමක් සිදුකිරීමට අවශ්‍ය පසුබිමක් තිබුණද, රටේ වත්මන් තත්ත්වය සැලකිල්ලට ගනිමින් මිල නොවෙනස්ව තබා ගැනීමට පාලනාධිකාරිය පියවර ගෙන ඇත.

නොවෙනස්ව පවතින ලිට්‍රෝ ගෑස් මිල ගණන්:

ජනවාරි මාසය තුළද දිවයින පුරා ලිට්‍රෝ ගෑස් අලෙවි වන්නේ පහත සඳහන් මිල ගණන් යටතේය:

• කිලෝග්‍රෑම් 12.5 සිලින්ඩරය: රුපියල් 3,690
• කිලෝග්‍රෑම් 5 සිලින්ඩරය: රුපියල් 1,482
• කිලෝග්‍රෑම් 2.3 සිලින්ඩරය: රුපියල් 694

ලිට්‍රෝ සමාගම මෙලෙස මිල නොවෙනස්ව තැබීමට තීරණය කළද, පසුගිය ජනවාරි 01 වැනිදා සිට ක්‍රියාත්මක වන පරිදි ලාෆ්ස් (Laugfs) ගෑස් සමාගම සිය මිල ගණන් ඉහළ දැමීමට පියවර ගෙන තිබුණි.

The post ලිට්‍රෝ ගෑස් මිල ගැන දැනුම්දීමක් appeared first on TODAY NEWS LK.

from TODAY NEWS LK https://ift.tt/jBIVFAx

පොලිස් සේවයට එක්වීමට හීන දකින්නන්ට සුබ ආරංචියක්

ශ්‍රී ලංකා පොලීසියේ පවතින නිලධාරී හිඟය ඉදිරි වසර තුනක කාලය තුළ 40,000ක් දක්වා ඉහළ යාමේ අවදානමක් පවතින බව පොලිස්පති ප්‍රියන්ත වීරසූරිය මහතා අනාවරණය කරයි. මෙම තත්ත්වය කළමනාකරණය කිරීම සඳහා වහාම ක්‍රියාත්මක වන පරිදි නව බඳවා ගැනීම් සිදු කිරීමට මහජන ආරක්ෂක අමාත්‍යාංශයේ අනුමැතිය හිමිව තිබේ.

පොලිස්පතිවරයා මේ බව සඳහන් කළේ පසුගියදා (04) තඹුත්තේගම පහළගම පොලිස් අභ්‍යාස විද්‍යාලයේ පැවති ආධුනික පොලිස් නිලධාරීන් විසිර යාමේ උත්සවයට එක්වෙමිනි.

පවතින දැඩි කාර්යබහුලත්වය හමුවේ සේවය කාර්යක්ෂම කිරීම සඳහා රජය පහත පියවර ගැනීමට තීරණය කර ඇත:

• මේ වසර තුළ නවක පොලිස් නිලධාරීන් 10,000ක් බඳවා ගැනීම.
• සිවිල් ආරක්ෂක බලකායේ නිලධාරීන් 10,000ක් පොලිස් සේවයට අනුයුක්ත කර ගැනීම.

දැනට පොලිස් සේවයේ නිරතව සිටින්නේ නිලධාරීන් 31,000ක පිරිසක් පමණක් බවත්, පවතින පුරප්පාඩු සේවයට දැඩි බලපෑමක් එල්ල කර ඇති බවත් පොලිස්පතිවරයා මෙහිදී වැඩිදුරටත් පැවසීය.

The post පොලිස් සේවයට එක්වීමට හීන දකින්නන්ට සුබ ආරංචියක් appeared first on TODAY NEWS LK.

from TODAY NEWS LK https://ift.tt/zwhVZmd

ලංකා IOC ඉන්ධන මිලත් සංශෝධනය වෙයි

ලංකා IOC සමාගම ද ඛනිජ තෙල් සංස්ථාවේ ඉන්ධන මිල ගණන්වලට සමගාමීව සිය ඉන්ධන මිල ගණන් සංශෝධනය කර තිබේ.

ඒ අනුව ඊයේ (05) මධ්‍යම රාත්‍රියේ සිට බලපැවැත්වෙන පරිදි ඉන්ධන මිල ගණන් වෙනස් වේ.

මිල සංශෝධනය අනුව ලංකා සුදු ඩීසල් ලීටරයක් රුපියල් 2කින්, ඔක්ටේන් 95 පෙට්‍රල් ලීටරයක් රුපියල් 5කින්, ලංකා සුපිරි ඩීසල් ලීටරයක් රුපියල් 5කින් සහ ලංකා භූමිතෙල් ලීටරයක් රුපියල් 2කින් ඉහළ ගොස් තිබේ.

ඔක්ටේන් 92 වර්ගයේ පෙට්‍රල් ලීටරයක මිල නොවෙනස්ව පවතී.

The post ලංකා IOC ඉන්ධන මිලත් සංශෝධනය වෙයි appeared first on TODAY NEWS LK.

from TODAY NEWS LK https://ift.tt/P8ugGJ9

මධුරෝ සහ බිරිඳ අද අධිකරණයට

වෙනිසියුලානු ජනාධිපති නිකොලස් මධුරෝ සහ ඔහුගේ බිරිඳ සිලියා ෆ්ලෝරස් අද (05) ප්‍රථම වරට එක්සත් ජනපද ෆෙඩරල් අධිකරණයට ඉදිරිපත් කිරීමට නියමිත බව විදෙස් මාධ්‍ය වාර්තා කර තිබේ. 

අමෙරිකානු එක්සත් ජනපද හමුදා විසින් පසුගිය 03වනදා කරකාස් අගනුවර සිදු කළ විශේෂ හමුදා මෙහෙයුමකින් මොවුන් දෙදෙනා අත්අඩංගුවට ගනු ලැබීය.

මත්ද්‍රව්‍ය, ත්‍රස්තවාදී කුමන්ත්‍රණ සිදු කිරීම, ආයුධ සහ විනාශකාරී උපකරණ ළඟ තබා ගැනීම සහ එම ආයුධ මගින් අමෙරිකාවට එරෙහිව කුමන්ත්‍රණ සිදු කිරීම යන චෝදනා මත මධුරෝ සහ ඔහුගේ බිරිඳට අධිචෝදනා ගොනු කර තිබේ.

ඒ අනුව අදාළ නඩුව මැන්හැටන්හි පිහිටි ෆෙඩරල් අධිකරණයේදී අද දහවල් කාලයේදී ආරම්භ වීමට නියමිතය.

එක්සත් ජනපද දිස්ත්‍රික් විනිසුරු ඇල්වින් කේ. හෙලර්ස්ටයින් විසින් මෙම නඩු විභාගය මෙහෙයවනු ලබන බවද සඳහන් වේ.

කෙසේවෙතත් එරට අධිකරණ දෙපාර්තමේන්තුව චෝදනා කරන්නේ, මධුරෝ සහ අනෙකුත් වෙනිසියුලානු නායකයින් වසර විස්සකට වැඩි කාලයක් තිස්සේ, කොකේන් එක්සත් ජනපදයට ආනයනය කිරීමට පහසුකම් සැලසීම සඳහා ඔවුන්ගේ රජයේ තනතුරු භාවිතා කර ඇති බවටය. 

නිකොලස් මධුරෝට එරෙහිව 2020දී ද චෝදනා එල්ල වූ අතර, ඔහු එවකට එම චෝදනා ප්‍රතික්ෂේප කර තිබුණි.

The post මධුරෝ සහ බිරිඳ අද අධිකරණයට appeared first on TODAY NEWS LK.

from TODAY NEWS LK https://ift.tt/NsPSCGh

ගුරු – විදුහල්පති වෘත්තීය සමිති රජයෙන් කළ ඉල්ලීම

යෝජිත නව අධ්‍යාපන ප්‍රතිසංස්කරණ ක්‍රියාත්මක කිරීමට පෙර අධ්‍යාපනයට සම්බන්ධ සියලු සංවිධාන හා විද්වතුන්ගේ අදහස් ලබා ගැනීමට අධ්‍යාපන බලධාරීන් පියවර ගත යුතු බව ගුරු විදුහල්පති වෘත්තීය සමිති පවසයි. 

ඊයේ (03) කොළඹදී ඒකාබද්ධ මාධ්‍ය හමුවක් පවත්වමින් ඔවුන් සදහන් කළේ, එවැනි සාකච්ඡාවකින් තොරව ජාතික ප්‍රතිපත්තියක් සකස් කිරීම අනුමත කළ නොහැකි බවය.

එහිදී අදහස් දැක්වූ ලංකා ගුරු සංගමයේ ප්‍රධාන ලේකම් ජෝසප් ස්ටාර්ලින් මහතා,
”එතකොට අපි දැක්කා දැන් මේ මේ මොඩියුලර් ප්‍රශ්නෙත් එක්ක දිව්වා පණ කඩාගෙන අපරාධ පරීක්ෂණ දෙපාර්තමේන්තුවට. අපරාධ පරීක්ෂණ දෙපාර්තමේන්තුවට යන්න ඕනේ නැහැ. මේ තියෙන්නේ මේ මොඩියුලරයේ ලියලා තියෙනවා කට්ටියගේ නම් ටික. ඉතින් මේගොල්ලන්ට විරුද්ධව පියවර ගැනීම පැත්තකින් තියලා අපරාධ පරීක්ෂණ දෙපාර්තමේන්තුවටයි, අරහෙටයි, මෙහෙටයි දුවනවා. මොකද? මේ කැපෑසිටියක් නැති කට්ටිය කොහෙන්ද ඇවිල්ලා තියෙන්නේ? ඔය කණ්ඩායමේ ප්‍රධානීන් කියන දේ තමයි, අන්න ඒගොල්ලෝ තමයිලු මේ. ජාතික ජන බලවේගය අධ්‍යාපන ප්‍රතිපත්ති කමිටුවල ඉඳලා තියෙනවා. මොන විහිලුද මේවා? අධ්‍යාපනඥයයි ඕනේ. මේ කමිටුවල හිටපු අය නෙමෙයි. තවත් මොඩියුල ගණනාවක් ගැන, අධ්‍යාපනය සම්බන්ධයෙන්, බුද්ධිමතුන්, විවිධ අර්ථකථන දෙනවා. ඉතින් මේවා කලින් කරලා, කලින් එළියට දාලා තිබ්බා නම්, මේ සංවාද එන්නේ කලින්.එතකොට ක්‍රියාත්මක කරන්න කලින්, ඒ ගැන හදාගන්න තිබ්බා..  අධ්‍යාපනය අර්බුදයක් මේ නිර්මාණය කරලා තියෙන්නේ. 

එම මාධ්‍ය හමුවට එක්වූ සමස්ත ලංකා එක්සත් ගුරු සංගමයේ සභාපති යල්වල පඤ්ඤාසේකර හිමියන්,
”ඒ නිසා අපේ වර්තමානයේ පැහැදිලිවම කියනවා විසි දෙවෙනිදා නව අධ්‍යාපනය ප්‍රතිසංස්කරණ ක්‍රියාත්මක කිරීමට පෙර ජාත්‍යන්තර ප්‍රඥප්තියට අනුව, යුනෙස්කෝ ප්‍රඥප්තියට අනුව, වහාම මේ අධ්‍යාපනයට සම්බන්ධ සියලු සංවිධාන කැඳවිය යුතුයි. එක මණ්ඩපයක දී සාකච්ඡා කරලා, ජාතික ප්‍රතිපත්තියකට එළඹෙන්නට ඕන. එසේ අපිත් සමඟ සාකච්ඡා නොකරන්නේ නම්, මෙයින් දරුවන්ට වෙන අගතිය මොකක්ද කියන එකේ වගකීම බලධාරීන් දැරිය යුතු වෙනවා.”

The post ගුරු – විදුහල්පති වෘත්තීය සමිති රජයෙන් කළ ඉල්ලීම appeared first on TODAY NEWS LK.

from TODAY NEWS LK https://ift.tt/I2xRnLJ

6 ශ්‍රේණිය ඉංග්‍රීසි මොඩියුලයේ අවුල්සහගත පිටුව ගැලවීමට යෝජනාවක්

ආන්දෝලනයට තුඩුදුන් 6 ශ්‍රේණිය ඉංග්‍රීසි විෂයේ මොඩියුලය මුද්‍රණය කිරීම සඳහා රුපියල් මිලියන 61කට ආසන්න මුදලක් වියදම් වී ඇති බව අධ්‍යාපන අමාත්‍යාංශයේ ලේකම් නාලක කලුවැව මහතා පවසයි.

එබැවින් එය යළි මුද්‍රණය කරනවාද, නැතිනම් වියදම අවම විකල්ප ක්‍රියාමාර්ගයකට යොමුවනවාද යන්න පිළිබඳ මේ වනවිට අවධානය යොමු වී ඇති බවයි අමාත්‍යාංශ ලේකම්වරයා වැඩිදුරටත් සඳහන් කළේ.

එහිදි අනුගමනය කළ හැකි එක් විකල්පයක් ලෙස අදාළ මොඩියුලයේ ප්‍රශ්නගත පිටුව ඉවත්කර බෙදාහැරීම කෙරෙහිද අවධානය යොමු වී ඇති බව කලුවැව මහතා වැඩිදුරටත් පැවසුවේය.

රට තුළ උද්ගතවූ ආපදා තත්ත්වය නිසා පළාත් කිහිපයක පාසල් පද්ධතියට සහ ප්‍රවාහන පද්ධතියට සිදුව ඇති හානි සැලකිල්ලට ගෙන මෙම තීරණය ගෙන ඇති බව වාර්තා වේ.

ඒ අනුව 2026 වසරේ ද 5 ශ්‍රේණියේ සිට 13 ශ්‍රේණිය දක්වා පාසල් පවත්වන කාලය පෙ.ව. 7.30 සිට පස්වරු 1.30 දක්වා නොවෙනස්ව පවතිනු ඇත.

2026 පළමු වාරය සඳහා රජයේ පාසල්, රජයේ අනුමත පෞද්ගලික පාසල් සහ පිරිවෙන් ජනවාරි 05වන දින ආරම්භ කිරීමට නියමිතය.

The post 6 ශ්‍රේණිය ඉංග්‍රීසි මොඩියුලයේ අවුල්සහගත පිටුව ගැලවීමට යෝජනාවක් appeared first on TODAY NEWS LK.

from TODAY NEWS LK https://ift.tt/ocJFeaK

නව වසර සඳහා පාසල් පාවහන් බෙදාදීමේ සැලැස්මක්

බස්නාහිර සහ දකුණු පළාත්වල පාසල් සිසුන්ට පාවහන් බෙදාදීම සඳහා සකස් කර ඇති නියමු ව්‍යාපෘතියේ ගිවිසුම් අත්සන් කිරීමේ සාකච්ඡාවකට අද (01) අග්‍රාමාත්‍ය ආචාර්ය හරිනි අමරසූරිය මෙනවිය එක්විය. 

මෙම ව්‍යාපෘතිය අධ්‍යාපන අමාත්‍යාංශයේ සහ කර්මාන්ත හා ව්‍යවසාය අමාත්‍යාංශයේ සාමූහිකත්වයෙන් සැලසුම් කර ඇති අතර එහිදී පැමිණ සිටි දේශීය පාසල් පාවහන් නිෂ්පාදකයින් සමඟ නිල වශයෙන් ගිවිසුම් අත්සන් කිරීමක් සිදුවුණි. 

එහිදී අදහස් දක්වමින් අග්‍රාමාත්‍යවරිය පැවසුවේ කිසිදු ළමයෙකු මඟනොහැරෙන සේ අධ්‍යාපනය තහවුරු කිරීම අධ්‍යාපන අමාත්‍යාංශය සතු වගකීමක් බවත්, එහිදී දරුවන්ගේ සුබසාධන කටයුතු මඟනොහැරිය හැකි කොටසක් බවත්, මෙය පාසල් ළමයෙකුට දෙන සපත්තු දෙකක් පමණක් නොව සෑම ළමයෙකුටම සමාන අධ්‍යාපන අයිතිවාසිකම් හිමිකර දීම සඳහා වූ රාජ්‍ය සැලැස්මේ කොටසක් වන බවත් ය.

එමෙන්ම මෙම ව්‍යාපෘතිය රජයේ සංවර්ධන සංකල්පයක් වන රාජ්‍ය, පෞද්ගලික අංශය සහ ජනතාව යන පාර්ශ්වයන්ගේ සහභාගිත්වය තුළින් සියලු දෙනාගේම ජයග්‍රහණය ඉලක්ක කරගනිමින් සකස් කර ඇති බවත්, නව වසරේ පළමු රාජකාරිය ලෙස මෙවන් සමාජ සත්කාරයක් කිරීමට හැකිවීම ආශීර්වාදයක් වන බවත් අග්‍රාමාත්‍ය ආචාර්ය හරිනි අමරසූරිය මෙනවිය සඳහන් කළාය.

මෙම අවස්ථාව සඳහා අධ්‍යාපන අමාත්‍යාංශයේ ලේකම් නාලක කළුවැව මහතා, කර්මාන්ත හා ව්‍යවසාය අමාත්‍යාංශයේ ලේකම් තිලකා ජයසුන්දර මහත්මිය ඇතුළු නිලධාරීන් සහභාගී වූහ.

The post නව වසර සඳහා පාසල් පාවහන් බෙදාදීමේ සැලැස්මක් appeared first on TODAY NEWS LK.

from TODAY NEWS LK https://ift.tt/EIqePYU

ඉදිරි දින කිහිපයේදී කාලගුණයේ වෙනසක්

ශ්‍රී ලංකාවට නැගෙනහිර දෙසින් පහල වායුගෝලයේ කැළඹිලි ස්වභාවයක් වර්ධනය වෙමින් පවතින බැවින් ඉදිරි දිනවලදී දිවයිනේ උතුරු, නැගෙනහිර සහ ඌව පළාත්වල පවතින වැසි තත්ත්වයේ වැඩිවීමක් බලාපොරොත්තු වෙන බව කාලගුණ විද්‍යා දෙපාර්තමේන්තුව පවසනවා.

නැගෙනහිර, මධ්‍යම, උතුරු-මැද සහ ඌව පළාත්වලත් හම්බන්තොට දිස්ත්‍රික්කයේත් විටින් විට වැසි ඇති විය හැකියි.

මධ්‍යම සහ ඌව පළාත්වලත් මඩකළපුව සහ අම්පාර දිස්ත්‍රික්කවලත් ඇතැම් ස්ථානවලට මි.මී. 75 ට වැඩි තරමක තද වැසි ඇති විය හැකියි.

උතුරු පළාතේ වැසි වාර කිහිපයක් ඇතිවිය හැකියි.

සෙසු ප්‍රදේශවල පස්වරු 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි අතර ඇතැම් ස්ථානවලට මි.මී. 50 ට වැඩි තරමක තද වැසි ඇති විය හැකියි.

බස්නාහිර සහ වයඹ පළාත්වලත් ගාල්ල සහ මාතර දිස්ත්‍රික්කවලත් වෙරළබඩ ප්‍රදේශවල උදැසන කාලයේදී වැසි ස්වල්පයක් ඇතිවිය හැකියි.

සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකියි.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටිනවා.

The post ඉදිරි දින කිහිපයේදී කාලගුණයේ වෙනසක් appeared first on TODAY NEWS LK.

from TODAY NEWS LK https://ift.tt/5jQ4uGZ

අධ්‍යාපන අමාත්‍යාංශයේ තීරණය වෙනස් වෙයි! පාසල් අවසන් වන වේලාව ගැන විශේෂ නිවේදනයක්!

2026 වර්ෂය තුළ පාසල් පවත්වන වේලාව දීර්ඝ නොකිරීමට අධ්‍යාපන අමාත්‍යාංශය තීරණය කර තිබේ.

නිවේදනයක් නිකුත්කරමින් එම අමාත්‍යාංශය ඊයේ (1) රාත්‍රියේ මේ බව පැවසීය.

රට තුළ උද්ගත වූ ආපදා තත්ත්වය සහ පළාත් කිහිපයක පාසල් පද්ධතියට සහ ප්‍රවාහන පද්ධතියට සිදුව ඇති අලාභ හානි සැලකිල්ලට ගනිමින්, පාසල් පද්ධතිය සහ ප්‍රවාහන පද්ධතිය යථා තත්ත්වයට පත් වන තුරු මෙය ක්‍රියාත්මක නොකරන බව අදාළ නිවේදනයේ දැක්වේ.

එමෙන්ම මේ සම්බන්ධයෙන් වන සවිස්තරාත්මක චක්‍රලේඛය අද (2) දින නිකුත් කරන බවද සඳහන්.

ඒ අනුව,

– 2026 වසර තුළ 5 -13 ශ්‍රේණි සඳහා පාසල් කාලය පෙ.ව 7.30 – ප.ව 1.30 ලෙස නොවෙනස්ව පවතියි.
 
– රජයේ, රජයේ අනුමත පෞද්ගලික පාසල් සහ පිරිවෙන් 2026 වර්ෂයේ පළමු වාරය සඳහා ජනවාරි 5 දින ආරම්භවීමට නියමිතය.

– 6 ශ්‍රේණියේ සිට 13 ශ්‍රේණිය දක්වා දිනකට කාලච්ඡේද සංඛ්‍යාව 7කි.

– එක් කාලච්ඡේදයක් සඳහා මිනිත්තු 45ක් වෙන් කෙරේ.

– අධ්‍යාපන ප්‍රතිසංස්කරණ ක්‍රියාවලිය 1 ශ්‍රේණිය සහ 6 ශ්‍රේණිය සඳහා 2026 වසරේදී  ක්‍රියාත්මක වේ.

– අධ්‍යාපන ප්‍රතිසංස්කරණ ක්‍රියාවලිය යටතේ 6 ශ්‍රේණියේ අධ්‍යයන කටයුතු විධිමත් ලෙස, 2026 ජනවාරි 21 වනදා ආරම්භවීමට නියමිතය.

– 1 ශ්‍රේණිය සඳහා දරුවන් හඳුනාගැනීමේ ක්‍රියාවලිය 2026 ජනවාරි 5 වනදා ආරම්භ වන අතර, විධිමත් ලෙස අධ්‍යයන කටයුතු ආරම්භ වන්නේ 2026 ජනවාරි 29 වනදාය.

– 1 ශ්‍රේණියට අදාළ ක්‍රියාකාරකම් පොත් සහ 6 ශ්‍රේණියට අදාළ ඉගෙනුම් මොඩියුල එම ශ්‍රේණිවල අධ්‍යයන කටයුතු ආරම්භවීමට පෙර සිසුන්ට ලබාදී අවසන් කිරීමට කටයුතු සළසා ඇත.

– අනෙකුත් ශ්‍රේණි සඳහා අවශ්‍ය පෙළ පොත් මේ වනවිට බෙදා අවසන් කර ඇත.

– 2025 අ.පො.ස උසස් පෙළ විභාගයේ ඉතිරි කොටස 2026 ජනවාරි 12 සිට 20 වන දින දක්වා පැවැත්වීමට නියමිතය.

The post අධ්‍යාපන අමාත්‍යාංශයේ තීරණය වෙනස් වෙයි! පාසල් අවසන් වන වේලාව ගැන විශේෂ නිවේදනයක්! appeared first on TODAY NEWS LK.

from TODAY NEWS LK https://ift.tt/Ec91Drd

2026 වසරේ ලග්න පලාපල – මිථුන ලග්නය

එළැඹෙන 2026 වසර ඔබට කොහොම වෙයිද? ලග්න අනුව පලාපල විස්තරය සිළුමිණ පුවත්පත මගින් පළ කර තිබුනේ මෙසේය.

මිථුන – විදෙස් රැකි­යා­ව­ලට ඉඩ­කඩ

ගෘහ ජීවි­තය – යෝග­කා­රක සිකුරු කුජ සහ රවි ග්‍රහ­යි­න්ගෙන් තැන්පත් වීම අනුව ගෘහ ජීවි­තය යුග දිවිය යහ­පත් අයු­රින් ගත කර­න්නට හැකි­යාව ලැබේ. විදෙ­ස්ගත වී සිටින මව­ගෙන් හෝ ස්ත්‍රී පක්ෂයේ අය­ගෙන් උදවු උප­කාර ලැබේ. යාන වාහන, දේපළ උරුම වීමට ඇති හැකි­යාව ද පෙන්වයි. ජූනි මාසයේ සිට ගුරු දෙවැ­න්නට යාම ඔබගේ තැන්පත් ධන­යක් පව­ත්වා­ගෙන යාමේ අර­මුණු සපල වෙයි.

රැකි­යාව – සෙන­සුරු 10 වැන්නේ ගුරුගේ රාශි­යක තැන්පත්ව ඇති අතර බුධගේ දෘෂ්ටිය ද ලබයි. ගෞර­ව­නීය රැකි­යා­ව­න්ව­ලට උරු­ම­කම් ඇත. විදෙස් රැකි­යා­ව­ලට ද ඉඩ ඇත. ගුරු වෘත්ති­යට බොහෝ විට ළංවෙයි.

අධ්‍යා­ප­නය – ගුරු ලග්නගතව සිට 5 වැන්න දැකී­මෙන් විද්‍යා­ස්ථාන යළි නඟා සිටු­වී­මත් දරු­වන්ගේ අධ්‍යා­ප­නික ප්‍රග­තිය ඇති වීමත් විභාග ජය­ග්‍ර­හ­ණය කිරී­මට පිටි­ව­හ­ලක් වෙයි. වාණි­ජ­මය විෂ­ය­යන් තෝරා ගැනී­මට දරු­වන් උන­න්දු­වක් දක්වයි. ව්‍යාපා­රික අංශ­ව­ලට පෙල­ඹීම සඳහා උපාධි, ඩිප්ලෝමා පාඨ­මාලා හදා­ර­න්නට යොමු­වෙයි.

බදාදා දින­වල නිල් මල් සහිත බෝධි පූජා තැබී­මත්, රතන සූත්‍රය සජ්ඣා­යනා කිරී­මත්, විෂ්ණු කත­ර­ගම දෙවි­ව­රුන්ට පින් දීමත්, කොහොඹ පැළ­යක් සිටුවා සත්කාර කිරී­මත් අපල දුරු වීමට හේතු වෙයි.

(ප්‍රවීණ ජ්‍යොතිර්වේදිනී ශ්‍රියා ගනේගොඩ – සිළුමිණ)

මේෂ ලග්නය

වෘෂභ ලග්නය

මිථුන ලග්නය

කටක ලග්නය

සිංහ ලග්නය

කන්‍යා ලග්නය

තුලා ලග්නය

වෘශ්චික ලග්නය

ධනු ලග්නය

මකර ලග්නය

කුම්භ ලග්නය

මීන ලග්නය

The post 2026 වසරේ ලග්න පලාපල – මිථුන ලග්නය appeared first on TODAY NEWS LK.

from TODAY NEWS LK https://ift.tt/H2QvcEP

2026 වසරේ ලග්න පලාපල – මේෂ ලග්නය

එළැඹෙන 2026 වසර ඔබට කොහොම වෙයිද? ලග්න අනුව පලාපල විස්තරය සිළුමිණ පුවත්පත මගින් පළ කර තිබුනේ මෙසේය.

මේෂ – ආර්ථි­කය ශක්ති­මත් වේ

ගෘහ ජීවි­තය – නව වර්ෂය ආර­ම්භයේ ඔබගේ ලග්නයේ ග්‍රහ පිහි­ටීම් අනුව චතුර් ග්‍රහ­ යෝ­ග­යක් භාග්‍ය­ස්ථා­නය හෙවත් පුණ්‍ය­ස්ථා­නයේ පිහිටා තිබීම ධාර්මික වූත් යහ­පත් වූත් ජීවන රටා­වක් අනු­ග­ම­නය කිරී­මක් පෙන්නුම් කරයි. 4 අධි­පති සඳු දෙවැන්නේ උච්ච බල ඇතිව පිහි­ටී­මෙන් වච­නයේ ප්‍රිය­ම­නාප කාරු­ණික බව නිසා අන්‍ය­යන්ගේ ප්‍රසා­දය හිමි­කර ගනී.

රැකි­යාව – රැකියා කාරක සෙන­සුරු 12 වැන්නේ නිසා විදෙස් රැකියා සඳහා ඇදී යාමක්ද, මව්බිමේ සිටම විදෙස් සබ­ඳතා ඇතිව කරන රැකියා ව්‍යාපාර ද ඒවා බොහෝ දුරට තාක්ෂ­ණය උප­යෝගී කර­ගෙන යන බවද දක්නට ඇත. සෞඛ්‍ය ක්ෂේත්‍රය, කෘෂි­ ක­ර්මා­න්තය වැනි අංශ මෙර­ටෙහි දියු­ණුවේ. කෙසේ හෝ ආර්ථි­කය ශක්ති­මත් කර­ගනී.

අධ්‍යා­ප­නය – මෙතෙක් අධ්‍යා­ප­න­යට තිබූ බාධක ඉවත් වී සියලු දරු­ව­නට යහ­ප­තක්ම සැලසේ. විශේ­ෂ­යෙන් උසස් අධ්‍යා­ප­නය ලබන දරු­වන්ට ජය­ග්‍ර­හණ ලබා ගැනී­මට මාර්ග සැලසේ.

ලග්න ඒරා­ෂ්ටක තත්ත්ව­ය­කට මුහු­ණදී සිටින බැවින් ඔබගේ කරන කියන කට­යුතු අතර සෙන­සුරු ග්‍රහයා වෙනු­වෙන් ආබා­ධිත අයට දාන­මාන දෙන්න. උප­කාර කරන්න. බලු කපුටු දාන දෙන්න. නිල් මල් සහිත බෝධි පූජා සෙන­සු­රාදා දින­වල තබන්න.

(ප්‍රවීණ ජ්‍යොතිර්වේදිනී ශ්‍රියා ගනේගොඩ – සිළුමිණ)

The post 2026 වසරේ ලග්න පලාපල – මේෂ ලග්නය appeared first on TODAY NEWS LK.

from TODAY NEWS LK https://ift.tt/LTSY0cP