මහා සඟ සමුළුව අද කොළඹදී

වර්තමානයේ බුදුදහමට සහ මහා සංඝරත්නයට එල්ල වෙමින් පවතින විවිධ බලපෑම් පිළිබඳව ජනතාව දැනුවත් කිරීමේ අරමුණින් සංවිධානය කෙරෙන විශේෂ මහා සඟ සමුළුවක් අද (20) පැවැත්වීමට නියමිතව තිබේ.

මෙම සමුළුව අද පස්වරු 2.00 ට කොළඹ පිහිටි බෞද්ධ මහා සම්මේලන මූලස්ථානයේදී ආරම්භ වීමට නියමිතය.

මේ සම්බන්ධයෙන් අදහස් දැක්වූ පූජ්‍ය මුරුත්තෙට්ටුවේ ආනන්ද හිමියන් අවධාරණය කළේ මෙම සමුළුව කිසිදු දේශපාලන අරමුණක් වෙනුවෙන් පවත්වන්නක් නොවන බවයි.

වර්තමාන සමාජය තුළ භික්ෂූන් වහන්සේලා ඉලක්ක කර ගනිමින් එල්ල වන විවිධ බලපෑම් සහ අභියෝගයන්ට විරෝධය පළ කිරීම මෙන්ම, ඒ පිළිබඳව පොදු මහජනතාව දැනුවත් කිරීම මෙහි ප්‍රධාන අරමුණ බව උන්වහන්සේ වැඩිදුරටත් සඳහන් කළහ.

මේ අතර, රටේ බෙදුම්වාදයට සහ ඊට අනුබල දෙන බලවේගවලට එරෙහිව කටයුතු කරන ලෙස ජනාධිපතිවරයාගෙන් ඉල්ලා සිටින මහජන පෙත්සමකට අත්සන් තැබීමේ වැඩසටහනක් ඊයේ (19) ආරම්භ විය.

මෙම මහජන පෙත්සම ඉදිරි දිනකදී ජනාධිපතිවරයා වෙත භාරදීමට කටයුතු කරන බව සංවිධායක මණ්ඩලය ප්‍රකාශ කර සිටී.

The post මහා සඟ සමුළුව අද කොළඹදී appeared first on TODAY NEWS LK.

from TODAY NEWS LK https://ift.tt/qw1MtJ6