එන්නත් නොකළොත් ලියාපදිංචිය නෑ! ලයිෂන් නැති බලු හිමියන්ට නව පනතින් රුපියල් දඩ!

ජලභීතිකා රෝගය තුරන් කිරීම සහ සුනඛයින් ලියාපදිංචි කිරීම නියාමනය කිරීම අරමුණු කරගනිමින් රාජ්‍ය පරිපාලන, පළාත් සභා හා පළාත් පාලන අමාත්‍යාංශය විසින් සකස් කරන ලද නව පනත් කෙටුම්පතක් රජයේ ගැසට් පත්‍රයේ ප්‍රකාශයට පත් කර තිබේ.

සුනඛයින්ට එන්නත් කිරීම, ගහනය පාලනය කිරීම සහ වාණිජමය අරමුණු සඳහා සුනඛයින් බෝ කිරීම නියාමනය කිරීම මෙම යෝජිත ව්‍යවස්ථාවේ ප්‍රධාන අරමුණ වේ.

නව පනත් කෙටුම්පතට අනුව සති හයකට වැඩි වයසැති සුනඛයින් භාරයේ තබා ගන්නා හිමිකරුවන් විසින් උන් හට වාර්ෂිකව ජලභීතිකා එන්නත ලබා දී අදාළ පළාත් පාලන ආයතනයේ ලියාපදිංචි කළ යුතු අතර, එසේ ලියාපදිංචි කිරීමට අපොහොසත් වන හිමිකරුවන්ට ලියාපදිංචි ගාස්තුවට අමතරව රුපියල් 2,000ක දඩ මුදලක් ද නියම කෙරේ.

මීට අමතරව, සියලුම පළාත් පාලන ආයතන තම බලප්‍රදේශයේ වීදි සුනඛයින් වඳභාවයට පත් කිරීම අනිවාර්ය කර ඇති අතර, බලපත්‍රයක් නොමැතිව වාණිජමය අරමුණු සඳහා සුනඛයින් බෝ කිරීම සහ පැටවුන් විකිණීම තහනම් කිරීමටද යෝජනා කර ඇත.

The post  එන්නත් නොකළොත් ලියාපදිංචිය නෑ! ලයිෂන් නැති බලු හිමියන්ට නව පනතින් රුපියල් දඩ! appeared first on TODAY NEWS LK.

from TODAY NEWS LK https://ift.tt/qsvo95A