ඊජිප්තු රූපවාහිනී නිවේදිකා සාරා කලීෆා ඇතුළු 11කට මරණ දඬුවම

මත්ද්‍රව්‍ය නිෂ්පාදනය කිරීම, ජාවාරම් කිරීම සහ බලපත්‍ර රහිත ගිනිඅවි ළඟ තබාගැනීම යන චෝදනාවලට වරදකරුවන් වූ ඊජිප්තුවේ ප්‍රකට රූපවාහිනි නිවේදිකාවක වන සාරා කලීෆා (Sarah Khalifa) ඇතුළු පුද්ගලයින් 12 දෙනෙකුට එරට කයිරෝ අපරාධ අධිකරණය මගින් එල්ලුම් ගසින් මරණ දඬුවම නියම කර තිබේ.

ඊජිප්තු රජයට අයත් අල්-අහ්රාම් (Al-Ahram) පුවත්පතට අනුව, ඇය ඇතුළු පිරිස විදේශයන්ගෙන් අමුද්‍රව්‍ය ගෙනැවිත් මත්ද්‍රව්‍ය නිෂ්පාදනය කර අලෙවි කළ සංවිධානාත්මක අපරාධ කල්ලියක සාමාජිකයන් බවට තහවුරු වී ඇත.

39 හැවිරිදි සාරා කලීෆා අපරාධ හා ආරක්ෂක ක්ෂේත්‍රය ආවරණය කළ ‘Mission Impossible’ රූපවාහිනී වැඩසටහන හරහා බෙහෙවින් ජනප්‍රිය වූ තැනැත්තියකි.

විමර්ශන අතරතුරදී මත්ද්‍රව්‍ය කිලෝ 750කට අධික ප්‍රමාණයක්, නිෂ්පාදනාගාර ලෙස භාවිත කළ ස්ථාන සහ ගිනිඅවි සොයාගැනීමට බලධාරීන් සමත් වී තිබේ.

කෙසේ වෙතත්, සාරා මෙම සියලු චෝදනා ප්‍රතික්ෂේප කර ඇති අතර, තරුණයෙකු පැහැරගෙන ගොස් පහරදීමේ වෙනත් නඩුවකට ද ඇයට වසර 5ක සිරදඬුවමක් නියම වී තිබුණි.

The post ඊජිප්තු රූපවාහිනී නිවේදිකා සාරා කලීෆා ඇතුළු 11කට මරණ දඬුවම appeared first on TODAY NEWS LK.

from TODAY NEWS LK https://ift.tt/fqEtTRQ