ලංකා බැංකුවේ පාරිභෝගිකයින්ට නව ඩිජිටල් සේවාවක්

ආයතනික සහ කුඩා හා මධ්‍ය පරිමාණ ව්‍යවසාය (SME) ගනුදෙනුකරුවන්ගේ මූල්‍ය කටයුතු වඩාත් පහසු කරමින් නව ඩිජිටල් මුදල් කළමනාකරණ විසඳුමක් වන ‘සී ෆ්ලෙක්ස් කෝපරේට්’ (C-Flex Corporate) සේවාව හඳුන්වා දීමට ලංකා බැංකුව (BOC) පියවර ගෙන තිබේ.

පාරිභෝගිකයින්ගේ නව අපේක්ෂාවන් සහ ව්‍යාපාරික බැංකු අවශ්‍යතාවල සංකීර්ණතාවන්ට ප්‍රතිචාරයක් ලෙස මෙම සේවාව නිර්මාණය කර ඇත. තනි ආරක්ෂිත පද්ධතියක් හරහා ගෙවීම්, එකතු කිරීම් ඇතුළු සියලුම බැංකු කටයුතු එකම තැනකින් කළමනාකරණය කිරීමට මෙමඟින් ව්‍යාපාරිකයන්ට හැකියාව ලැබේ.

මෙමඟින් ලංකා බැංකුවේ මාර්ගගත (Online) බැංකු සේවාවන් තවදුරටත් පුළුල් වන බවත්, ලෝක මට්ටමේ ඩිජිටල්කරණ බැංකුකරණ හැකියාවන්ගෙන් ශ්‍රී ලාංකික ව්‍යවසායකයන් සවිබල ගැන්වීමට බැංකුව කැපවී සිටින බවත් ලංකා බැංකුවේ සභාපති කාවින්ද ද සොයිසා මහතා ප්‍රකාශ කළේය.

මෙය ලංකා බැංකුවේ ඩිජිටල් පරිවර්තන ගමනේ අතිශය වැදගත් සන්ධිස්ථානයක් බව ලංකා බැංකුවේ සාමාන්‍යාධිකාරී හා ප්‍රධාන විධායක නිලධාරී වයි. ඒ. ජයතිලක මහතා වැඩිදුරටත් සඳහන් කළේය.

The post ලංකා බැංකුවේ පාරිභෝගිකයින්ට නව ඩිජිටල් සේවාවක් appeared first on TODAY NEWS LK.

from TODAY NEWS LK https://ift.tt/jS0Lz85