LANKA SL NEWS: සහනදායී පොලියට විශේෂ ණය යෝජනා ක්‍රමයක්! හිමිවන පිරිස මෙන්න!

කර්මාන්ත හා ව්‍යවසායකත්ව සංවර්ධන අමාත්‍යාංශය විසින් ක්ෂුද්‍ර, කුඩා හා මධ්‍ය පරිමාණ ව්‍යවසායකයන් සහ කර්මාන්තකරුවන් සඳහා සහනදායී ණය යෝජනා ක්‍රම ප්‍රකාශයට පත්කර ඇත.

විශේෂයෙන් නිර්මාණය කර ඇති සහනදායී ණය යෝජනා ක්‍රම දෙකක් ලෙස එම අමාත්‍යාංශය විසින් SMILE 111 සහ E-Friend 11 යනුවෙන් ණය යෝජනා ක්‍රම ප්‍රකාශයට පත්කර තිබේ.

අමාත්‍යාංශයට අනුව, 2%, 5%, 6.5% සහ 8% වාර්ෂික පොලී අනුපාත යටතේ පිරිනමනු ලබන මෙම ණය යෝජනා ක්‍රම මෙරට කුඩා හා මධ්‍ය පරිමාණ ව්‍යවසායකයින් සහ කර්මාන්තකරුවන් සඳහා සහාය වීමක් ලෙස හඳුන්වාදෙනු ලැබේ.

මෙම ප්‍රමුඛතම මූල්‍ය පහසුකම් අඩු පොලී ණය සඳහා ප්‍රවේශය ලබාදෙන අතර, නිෂ්පාදන අංශය දියුණු කිරීම, තිරසාර කාර්මික සංවර්ධනය, ඵලදායිතාව වැඩිදියුණු කිරීම සහ විවිධ අංශ හරහා අගය දාම ශක්තිමත් කිරීම සඳහා සකස් කර ඇති බව කර්මාන්ත හා ව්‍යවසායකත්ව සංවර්ධන අමාත්‍යාංශය පවසයි.